انا عندى مشكلة كبيرة ابويا بيضرب امى وبيشتمها...

انا عندى مشكلة كبيرة ابويا بيضرب امى وبيشتمها باقذر الشتايم وبيكرشها من البيت ادام مرات ابنها وهى عندها 50سنةوكذالك الامر مع اخويا اخويا دة مبيعرفش يتكلم كويس لان جالو التهاب في العصب السابع وهو صغير ومرحمهوش كان بيخده معاه الشغل ويضربه ادام الناس وهو عنده23سنه وكرشه من البيت كتير ولما حد كان بيدخل كان بيتورط معاه في المشاكل والمصيبة الكبيرة انو بيكره مرات اخويا الكبير اللى بيشتغل في فرنسا من 13 سنه كره العما اخويا ده عنده 33سنه ديما بيقول للناس انو مبيصرفش حتى على مراتو وعيالو رغم ان اخويا هو اللى مجوزنى انا واخواتى البنات 2 غيرى احنا 6 اخوات 4 متجوزين وفاضل اخويا اللى تعبان والصغير في تالتة اعدادي امى فكرت في الانتحار كتير وتراجعت علشانا هى عندها احفاد كتير انا ابنى في الاعدادي احنا كلنا متجوزين في قرية واحدة ومعروفين في البلد المصيبة الكبيرة ان لماخدناه لدكتور عشان يديلو حاجة تهدى اعصابه قطعنا كلنا وبيشتم اخويا الكبير قدام مراتو وولادو وقدام الناس واليومين دول بيتبلا على مرات اخويا الكبير رغم انو ضربها قبل كدا وحلف ليطلقها بيدعى انو شافها هي واخويا اللى تعبان بيعملو علاقة مع بعض من اربع شهور وسكت سعتها عشان يستر عليهم واليومين دول قال الكلام دة لامى وقال ليها هخلى الدم للركب وكل شوية يهددها ولما اخويا اللي تعبان جه من الشغل فضل يضرب فيه الساعة 12باليل عشان يقول ان حصل كدا فعلا لدرجة انو مسكله السكينة ولما اخويا الكبير سمع صوات نزل يجري فى ايه يا با قالومراتك واخوك بيعدو لزقين لبعض اخويا اتجنن وقاله مراتى اشرف من الشرف وانا واثق فيها فضل ابويا يقول لاخويا يلا يا خروف يا ابو قرنين اطلع خلص عليهم الاثنين وكل شوية يقول لامى والله لخلصلك عليه هدوس عليه بالعربيةرغم ان ابويا قال امي انو شافهم اكتر من مرة وامى تقولو حرام عليك عيالك انا عمرى ما شفت عليهم حاجه البت مؤادبة وبتصلى وعارفة ربنا وبتحب ابنك يضربها ويقول لها سعدينى نخلص منهم اخويا معرفش الكلام كله ولما مراتو سمعت فضلت تصوت وتدعى عليه وكانت عايزة تسيب البيت واخويا منعها وقافل على نفسه امى هيجرلها حاجه لانها عندها ضغط وسكر وبيهددها انو مش هيسكت على كدا وانو هيموت اخويا وهيطلق مرات اخويا بفضيحة امى قالتلى هتيلو علاج يخليه ينسا بس اناخفت من ربنا (نعمل ايه فى الفضايح دى)