لو سمحت أنا متجوزة من سنتين وبقالي اربع شهور...

لو سمحت أنا متجوزة من سنتين وبقالي اربع شهور غضبانه ومعايا طفل بسبب مشاكل كتير من جوزى ماديا وبسبب طريقته معايا ومنعه اني اروح لاهلي إلا لازم بخناقه وحصل لما جه يرجعني كذا مرة أنا مردتيش لأن لقيته جاي كل كلامه مامته قالت ومرات إخوة قالت وكدة وكلام حماتي كان عبارة اني بنزل الإخوة بلبس ضيق وكلام من دة وخليته يروح مرتين من غير ما اروح معاه عشان كلامه معجبنيش وبسبب كلام والدته رغم اني كنت كويسه معاها ومكنش ف مشاكل معاها لحد ما كلم جوز اختي وقاله اني بعري جسمي لأعمامي مقابل اني اخد منهم حشيش والحمد لله معندناش حد بيشرب سيجارة اصلا واللي عرفته أنه قال كدة بسبب اني اشتكيت أنه بيشرب حشيش وفلوسه ضايعه عليه المهم أنا رفعت عليه قضيه نفقه عملوا معانا جلسه اولي وقولت مشاكلي وكدة بس للاسف محلناش حاجه ولسه مروحتش تاني عشان النفقه هو كلمني وقالي نرجع ونتفق ف بيتنا من غير تدخل حد واعتزر عن اللي عمله بس انا قلقانه ومش عايزة ارجع غير بكرامتي وبصراحه محدش مشجعني ارجع كله مخوفني لان مش اول مرة اغضب وكمان بيمد أيدة عليه فلو هرجع ارجع ازاي واكون عملت لنفسي كرامه وهو مش عايز حته النفقه ف المحكمه وخايفه أتنازل معرفش ارفعها تاني وولا قعدات رجاله قالي اللي عايزاه هعملهولك بس نتفق ف بيتنا لو متفقناش هرجعك لأهلك تاني بس هتبقي شكلها وحش طبعا وموضوع اهلنا هتتحل أما يلاقونا كويسين مع بعض ولو ع الشرب هبطل وتكوني معايا بس خايفه ليكون كلامه زي كل مرة ومش بيحصل حاجه من اللي بيقولها مش عارفه بجد اعمل ايه انا تعبت