اخويا محمود مريض نفسى، من وهو صغير كان انطوائى...

اخويا محمود مريض نفسى، من وهو صغير كان انطوائى شوية ولما كبر بعد الثانوى بطل يخرج م البيت هو عنده حوالى ٣٠ سنة حاليآ مخرجش من ساعتها الا قليل، هو جاله وسواس قهرى م القعدة وبقى عنيف جداا وهو ذكى جدآ فى كلامه وبيتكلم كتير عن السياسة والاقتصاد ومعلومات كثيرة ولكن هو عدو لكل من فى البيت الا امى وابى ، ابى توفى السنة اللى فاتت م الحزن عليه وعلى مدى تأثرنا بشخصيته وكرهنا له وماما بقى يجيلها انهيار عصبى وبتصرخ بصوت عالى جداا لانها خايفه علينا منه هو بيمسك سكاكين ف اى خناقة لنا وحزينة على حالنا كلنا، اخى الاكبر محمد هو بيدعمنا بس بقى مبيفكرش غير فينا اخواته البنات هنتحسن ازاى ومبقاش يفكر فى مستقبله، هو عنده حوالى ٣٤ سنة هو اكتئب من اخى محمود وبعد موت ابى وانه مسوؤل عننا حالياً وهناك عمى يريد ان يأخذ ورثنا وهناك بلطجية تريد خروجنا من شقتنا غصبآ ويرهبو اخى، اخى اعتاد يكون قوى بس حاسه استسلم وبقى ضعيف لا يفكر ف كيف هشتغل او سأتزوج، اخى محمود امرض كل اللى ف البيت وخايفه ميكونش ليه مستقبل ويعيش مع ماما بعد ما نتجوز انا واخوتى، فكرت ف الانتحار مره حتى الآن وانا بالاصل اعتدت ان اكون تفاؤليه وقوية جداً انا احب نفسى كثيراً ولكن فكرة ان عيلتى كلها مش كويسه ومكتئبة بسبب محمود تاعبة نفسيتى جدآ.