إسأل دكتورشريعة الآن

الدكتور محمد عودة

الدكتور محمد عودة

دكتورشريعة

الأسئلة المجابة 52424 | نسبة الرضا 97.9%

دكتور الشريعة

انا عندي ٣٢ سنه من صغري وفي مشاكل بين والدي...

تم تقييم هذه الإجابة:
انا عندي ٣٢ سنه من صغري وفي مشاكل بين والدي ووالدتي باستمرار تصل لضربها هو بيشتغل فمحافظه تانيه ويتواجد فالبيت معنا لمده يوم واحد أسبوعيا في المده دي كان بيحصل مشاكل مع امي ويتغيب عن البيت شهور ويرسل مبلغ يكفي الاكل ويمنع اي فلوس للمدارس للضغط علينا ويعود بعد ما نتصل نتوسل اليه لما تسؤء حاله امي لي اخت اكبر مني توفت من ٢٠ سنه واستمر وضعه أثناء مرضها وبعد وفتها كما هو وبعد وفتها بعد انهاء تعليمي بشهر افتعل مشكله مع امي وضربها وقبل تركه البيت قالي باللفظ انا هبعت فلوس تاكلوا بيها شوفوا هتاكلوا ولا تدفعوا دروس الثانويه لاختك وترك البيت لمده بحثت عن عمل لدفع مصاريف اختي ومرت شهور واتصلت اتوسل يرجع كالعاده بعد انهيار امي تاني يوم رجعوه نزلت من البيت الساعه ٩ صباحا ولم اعد غير ٩ مساء ولم يسأل عليا لمجرد العلم وبعد حوالي تلات اسابيع سأل بشتغل فين وبس واستمريت لمده ٧ سنين اعمل للصرف على تعليم اختي وأخي وسط صمت تام من ناحيته أثناء الفتره دي دخلت جمعيه سنه وكنت هقبض الاخير كنت بحلم اعمل ايه بالفلوس لاني مكنش بيبقى معايا من مرتبي الا مبلغ لا يكفي اي شي قبض هو الجمعيه ومشوفتش منها جنيه اختي خلصت الكليه واشتغلت واخويا خلص ثانوي واشتغل معايا وبعد اول شهر انتهيت فيه من مصارفهم اخيرا عمل مشكله كبيره فالبيت كانت نتيجتها انو بقا ياخد مرتبتنا جميعا ويترك لنا الفتات مقابل السكوت لانه فالوقت دا كان رجع استقر معانا وبدأ بعدها يعمل مشاكل لان مرتبتنا قليله لدرجه انو كان عاوزني انا واختي نروح نعمل مقابله شغل ففندق بره المحافظه لوحدنا لمجرد المرتب الكبير لكن الحمد لله لقيت شغل بمرتب اكبر أقنعه وبعدها اتخطبت ما دفع مليم فجهازي كنت بشتغل شغل مرهق عشان متفضحش قدام خطيبي اللي كان بيقوله انو سايبني اشتغل ومرتبي يادوب مصروف ايدي وهو اللي متكفل بيا وقبل فرحي بشهر اضطريت ابيع حلقي اللي مكنتش املك غيره عشان اكمل حاجتي دا واختي اتخطبت فالفتره دي وخطيبها شخص مش كويس ومحدش فينا وافق عليه بس هو أصر واختي مازالت تعاني من دا حتى الآن ورفض شغلها وبرضه هو قال باللفظ تعقد من الشغل واخوها يجهزها وفعلا جهزها اخوها وفضل يدفع فالديون لحد بعد جوازها بسنه كامله واول ما الديون خلصت عمل مشكله مع والدتي وبطل يصرف مليم عليها او ع البيت لمده سنه ونص ويشهد الله انها حاولت تراضيه اكتر من مره وانا واخويا حاولنا نراضيه اكتر من مره ومفيش فايده مع العلم انو مكنش بيسأل عليا ولو عرف ان في مشكله مع جوزي يتجاهل الموضوع حتى لو اشتكتله بنفسي ولو حصل عندي ظرف ومكلمتوش اسبوع مثلا يتصل يزعق ويشتم فيا ولو قولتله كان عندي كذا او اسأل عليا انتا يشتمني ويقولي واسأل ليه ما فداهيه واكتر من مره يقول لاخويا خد امك وشوفوا حته اعقدوا فيها بس مكنوش بيمشوا لان مفيش مكان يروحوا فيه ومن ست شهور توفي زوجي ومكنش ليا أطفال ومكنش سايب اي حاجه ولا اي مصدر رزق وانا مش بشتغل وشقتي إيجار إيجارها ٨٠٠ جنيه بعد وفاه زوجي بتلات اسابيع سألني ع حاجه اتصلحت فالبيت مين صلحها وقولتله اخويا اللي عملها قالي يعني محدش دخل البيت قولتله لا قالي ابعتيلي اخوكي عشان هولع فيكوا انتو التلاته وفعلا اخويا راح وقاله يأخذنا ونروح نعقد فشقتي لانو مش مرتاح لوجودنا فالبيت مع انه مكنش بيصرف علينا حتى فوجودي وفعلا مشينا وربنا الاعلم بندفع الإيجار وماشين ازاي وبقاله ست شهور مسألش علينا مره وبعد انتهاء عدتي أتقدم شخص للجواز مني واخويا قاله يروح لابويا لكن هو قاله مليش علاقه وروح لاخوها ولما عرف انو مسبقش ليه الجواز قاله انتا عارف انها كانت متجوزه قبل كدا قاله اه قاله طيب فكر تاني قبل ما تروح لاخوها سؤالي بس هل عليا ذنب اني مش بكلمه دلوقتي مع العلم اني حتى لو حاولت هيصدني وهيزعقلي اقسم بالله ما كدبت فحرف واحد بالعكس انا في تفاصيل اسؤء مقولتلهاش هل ربنا هيعاقبني اني مش بسإل عليه
مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟
لا

إطرح سؤالك

إجابة الخبير: الدكتور محمد عودة

الدكتور محمد عودة

الدكتور محمد عودة

دكتورشريعة

الأسئلة المجابة 52424 | نسبة الرضا 98%

الحمد لله، والصلاة والسلام على رسول الله، وعلى آله وصحبه ومن والاه، وبعد: اعلم رحمك الله أن ما قام به والدكم من ترككم وضرب أمكم من غير ذنب من الآثام، وعليكم بالدعاء له أن يصلحه الله وعليكم أن تبعثوا له أهل الدين والإصلاح.
ولا يجوز لكم هجره وعدم التكلم معه لأنه أبوكم ولو بالإتصال.
والله تعالى أعلم وأحكم.
يمكنك تحميل تطبيق جواب لمتابعة استفسارك مباشرة مع الخبير ، كما يمكنك التواصل مع خبراء مختصين في مجالات مختلفة. بالإضافة إلى مواضيع أخرى يومية من خلال الضغط على هذا الرابط
تحميل تطبيق جواب

إسأل دكتورشريعة

الدكتور محمد عودة

الدكتور محمد عودة

دكتورشريعة

الأسئلة المجابة 52424 | نسبة الرضا 97.9%

  • 100% ضمان الرضا
  • انضم الى 8 مليون من العملاء الراضين
المحادثات تتم ضمن هذه البنود

في الأخبار