أهلا بك، كيف يمكنني مساعدتك في سؤالك الطبي (هويتك...

أهلا بك، كيف يمكنني مساعدتك في سؤالك الطبي (هويتك سرية تماما)؟ انا منه عندي 18 سنه انا هحاول اعبر علشان انا بكره الشات وبفضل يكون الشخص قدامي علشان محدش بيفهمني غالبًا ،حقيقي مش عارفة ابدأ منين بس انا ممكن ابدأ من الاجدد وارجع لورا، انا كنت عارفة اني مش كويسة أبدًا ومحتاجة مساعدة دكتور فعلا بس كنت بحاول اتجاوز لوحدي بس للأسف كل المحاولات فشلت لحد ما ف حد قالي اني اشوف فيديوز يوتيوب وفعلا اتأكدت اني لازم اروح لدكتور بنسبة كبيرة وفورا، الموضوع اني مبقيتش انا فاهمة نفسي تفكيري بيموتني وبعجز دايما عن التعبير مش فاكرة كنت كدا من امتى بس دايما لما بكون هعمل حاجة مثلا بفضل افكر كتير وافضل ارتب الكلام جوا عقلي ومش بيترتب كان عندي مشاكل بردو اني لما اكون مع حد ونهزر وكدا لما برجع افضل افتكر كلام اتقالي ف وسط الكلام ضايقني وبردو بفضل افتكر اني قولت حاجات او معلومات عني او دخلت ف نقاشات وبفضل أأنب نفسي وبقول لا انا مكنش لازم ادخل ف المواضيع دي، هو الموضوع بدأ من قبل تالتة ثانوي كان فاصل شهرين وابدأ ومكنتش كويسة وقعدت اقول انا مش هبدأ غير لما اشوف بابا واحضنه وانا بابايا ميت وانا مكنتش كملت 3 سنين مكنتش بحس او بتأثر بعدم وجوده اوي لحد ما كنت ف اعداي تقريبا وكنت شايفة انه ف مكان احسن بكتير من هنا ومش زعلانة بالعكس بفرح جدا كل ما بفتكره بس بعدين بدأت احتاجه هي مشاعري حقيقي متتحكيش ومش هقدر اعبر عنها بس عدم وجود بابا معايا دا الحاجة اللي هتفضل كسراني ومش هقدر اتخطاها طول عمري، المهم اني كنت بفضل اقول لماما كدا كتير واني فعلا مش هبدأ غير لما اشوفه وبعدين بدأت الدراسة مكنتش كويسة وفضلت لحد شهر 12 بعيط كل ما بفتح الكتاب بس رجعت فوقت وكملت، انا مكنش عندي بيست فريند ف حياتي تقريبا بس مكانش بيأثر عليا ،بس كان عندي صحاب كتير يعني بس مش قريبين دخلت ثانوي وتقريبا اتفرقنا كانوا هما اوقات بيتجمعوا بس انا مبقيتش معاهم خالص كنت لوحدي دايما بس بشوفهم وبشوف كل زمايلي انا عارفة كل مدرستي بس من بعيد بردو بس اعرف ناس اصغر واكبر مني كتير عادي، جيت ف تالتة ثانوي اللي هي اكتر فترة اذتني ف حياتي ولحد دلوقتي وفاضلي يومين ع الجامعة ولسه مش عارفة اتخطاها كنت وحيدة جدا جدا بروح دروسي لوحدي وبرجع لوحدي واجهت كل الضغط النفسي اللي اتعرضتله ف السنة دي لوحدي، كنت بحارب علشان حلمي رغم كل الضغوط ورغم اللي حصل من وقف دراسة واننا هنكمل لوحدنا مش قادره اعبر كانت فترة وحشة ازاي ، بس هي دمرتني دخلت الامتحانات كان حلمي اسنان، جدو مات ف الامتحانات انا بتأثر جدا جدا ومش بعرف اسيطر ع نفسي اتشتت طبعا بس كملت بالعافيه، كنت مستنية الامتحانات تخلص علشان اطلع كل الطاقة اللي جوايا وكنت فعلا مصرة وبقول اول ما اخلص هروح لدكتور نفسي وماما كانت بتضحك عليا، ايوا انا معنديش صحاب قريبين زي ما قولت بس عندي واتس وشات وفيس وانستا وسوشيال وحياة بس من بداية السنة قفلت كل حاجه تخلي حد يعرف يوصلي شايفة اني معنديش حد قريب مني ومعنديش بابا ف ليه يكون ليا تعامل مع البشر شايفة انهم ناس سخيفة ومؤذية ف قطعت علاقتي حرفيا مع اي حد يعرفني حتى اهلي كنت فاكرة اني هكون مبسوطه بس طلعت غلطانة، يوم النتيجة بقى انا قولت مش هنقص عن 92 ايوا هيكون حلمي ضاع بس علشان شوية الظروف اللي مريت بيها، فتحت لقيتني جايبة 80 انا اللي كنت دايما الأولى ودايما ترتيب انا اللي كنت بسبق كل الناس دي بمراحل حرفيا ،انا حلمي ضاع مني بطريقة بشعة انا مستحقش كدا، طيب ازاي انا كنت ذا ڤيوتشير دانتيست ف نظر كل الناس طيب ليه انا شاطرة وكنت بجيب التقديرات دي طالما مش هوصل، حطيت املي ف التطلم اللي شوفت درجاتي قدام عيني ومخدتهاش، وبعدين التنسيق اللي خدلني وكنت حاطه املي ف زراعة اللي هي اقل حاجة كنت اتمنى اوصلها ومجتش طيب هما ليه مرجعوليش جزء من الدرجات اللي استاهلها كنت هلحق زراعة حتى لو كنت هروح سكن ومحافظة تانية، انا مش هقدر ادخل اي كليه غير كلية علمية، كل دا وكان لسه اثار تالتة ثانوي معايا مش بتنتهي انا والله كنت هبقى كويسة لو ف الاخر وصلت لحلمي كنت هتعالج من اللي حصلي بس انا اتدمرت، تجاوزت كل دا وكان موت جدو طبعاً من اسوأ الحاجات ومش عارفة اعدي النقطة دي بردو، انا ف السنة دي اتشافت كئيبة وبحب النكد بس انا مكنتش كويسة ساعتها بس مش اكتر وانا مش بحب اكون عبء ع حد، وبعدين بالرغم من كل دا وان في حاجات فعلا مش عارفة اعبر عنها كتير كنت بحاول ابقى تمام وفعلا بقيت بتجاوز بضحك وبعدي بس انا كنت كاتمة جوايا كنت اوڤر ثينكينج بعيط لوحدي كتير وبعدين بدأت احتاج للناس فعلا انا لسه ماسحة كل الابليكشنز اللي تسمحلي اتواصل مع الناس ودايما موبايلي ايربلان مود بس بدأت احس اني محتاجة حد واحدة محتاجه علاقة واحدة وهي الصداقة كان نفسي اوي يكون عندي حد قريب مني ع الاقل اعيط معاه معيطش لوحدي، بالرغم من اني مش بحب الصداقة بين الولد والبنت بس كنت محتاجه بيست فريند ولد علشان بكره البنات وعلشان خذلان صحابي، يوم الاتنين اللي فات شوفت الاكونت بتاع احمد معرفش بس فضولي خدني وروحت تويتر عنده وانستا وف ابليكيشن بيتسأل عليه رحت قعدت اتفرج ع رده حقيقي انبهرت ازاي حد جامد كدا حسيت انه دماغي شبهي شوية، انا معنديش ماسنجر بس لقيت نفسي تلقائياً بفتح جوجل وببعت قولتله انت جام يسطا وبتاع ف قالي حبيبي ياعم وبعدين سوري اني بعت فاتحة جوجل مخصوص علشان اقولك بس هي جات ف دماغي كدا قالي عادي وبعدين قالي انت ف سنة كام قولتله داخلة جامعة وعارفة انك ف كذا علشان انا شوفت يعني ف قالي ف كلية ايه مقولتش وبعدين لقيت نفسي بحكيله عن حلمي اللي ضاع وبعدين هو اكتر حد واساني وقالي متزعليش نفسك وقعد يقولي اسفلك ع اللي حصل واداني بوزيتيف انيرجي عظيمة اتمنيت نكون صحاب بصراحة وبعدين خلصنا ونمت وصحيت مش طايقة نفسي حاسه اني كنت تقيلة وازاي كنت دراما كوين كدا انا كنت قايلاله انا مش بتشات مع حد اصلا ومش هتكلم تاني وتاني يوم روحت الكلية اللي مش حباها ولا عمري هتقبلها اقدم ومكنتش نمت حلو ومخنوقة خلصت ورجعت مكانش رد ع اخر مسيدج من امبارح ف بعت وانا بعيط قولتله انا مش اتنشن والله ومش دراما كوين قالي والله انا مش بفتح ماسنجر وقالي يسطا انا مش عارف انت كاره نفسك ليه مع انك لطيفة، وبعدين انا فعلا زي ما قولت مكنتش عايزة اختلط بالناس ومش حاطه ف دماغي اتشات مع حد بس قولتله يلا نبقى صحاب اتكلمنا انستا علشان دا الحاجة الوحيدة للشات عندي، اه في حاجه بس انا كنت اليوم اللي قبليه كله بايته ف الاكونتس بتاعته كلها ومش عارفة اطلع منها، بعدين حصل حاجة قولتله اعتبرني مش موجوده اصلا ومتعرفنيش ف بدأ هو يشوف قلة ثقة بنفسي واني مهزوزه من جوايا (ودي كانت حاجة بقيت عندي مؤخرا انا اللي بحس بيها بس وبحاول اخبيها) ف قالي انتي هتفضلي حاسه انك unwanted كدا كتير وبعدين شدينا وصالحني (دكتور انا اسفة اني بحكي دا بالتفصيل بس انا حرفيا بدخل اقرا الشات كل شوية) وبعدين بدأت ابين قدامه حسيت اني لازم ابين عدم الاستقرار النفسي اللي بقيت فيه علشان عايزاه يعالج معايا دا انا مش عايزة افضل مهزوزه كدا انا فعلا بقيت احس اني ان ونتد وبعدين حكيتله اني مستحيل اقدر ادخل كلية مش علمية والاوبشنز اللي كانت قدامي واني مختارتش تجارة انجلس وقولت ادخل ايطالي ف اداب وتني دلوقتي مع قرب الدراسة مش هعرف ادخلها واتكلمنا عن كليته وبعدين بعتله بالليل لما ماردش من الياعة اربعة ف رد وبعدين انا كنت برا ورجعت لقيته باعت ريكوردز انه خارج ف قولتله ارجع يسطا انا زهقانة وبعتله ريكورد قالي انه برا ومش سامع ف بعدين قولتله سيبلي الشات وبدأت اتكلم وبقوله ياصاحبي وبعدين ضحكت قولتله انا مش حاسه الكلمة دي حاسه اني بعيدة (نظرا لاني اتشديت واتعلقت واهتمامي اني ارد ف نفس الثانية وهو بيتأخر عادي وبردو علشان انا اللي طلبت نبقى صحاب وانا مش بحب اطلب ) ف قعدت اقوله اني شكلي بايخ وانت بتكلمني شفقة ومش عايز كدا واحكيله ازاي شوفت الاكونت واني مش بكلم حد بس بعتله وبدأت احكيله عن شخصيته وازاي انا شوفته عظيم وجامد قولتله تاني اني حاسه انه مش طايقني دا بناءاً ع اهتمامي انا الزايد وهو كان عادي مع اننا متكلمناش كتير اصلا بس انا مش بحب اطلب حاجه من حد كنت عايزاه يكون صاحبي واحكيله مع اني كنت مكرره محكيش لحد ولا ابان ضعيفة قدام حد وقولتله اني بس لما ادخل الجامعة هعيط وهكون لوحدي ف هكلمك وانا هناك بعت مسيدجات كتير مخرجتش من الشات قعدت احكي واسأله هيكون مرتاح ف السكن واسكت شوية وارجع ابعت واهزر واقوله اني كاره نفسي اني بتشات وبكرهك واحكيله اكتر عن بعدي عن الناس وان دا اذاني وازاي مش بقدر اعبر عن مشاعري ونفسي حد يفهمني ياخد كلامي يرتبه ويفهم علشان عمر ماحد ف فهمني غالبا لما باجي احكي وبكون مش عارفه اعبر وبيتريقوا عليا وقولتله قد ايه نفسي يكون عندي بيست فريند وبعدين بابا كان واحشني ف قولتله بمناسبة الفضفضة دي انه وحشني وبعدين اخر حاجة قولتله انا كنت صح علشان بكره الشات انا بقالي يومين (اللي عرفته فيهم ومتكلمناش كتير اصلا غير اني قررت افضفض واقول كل دا) ف مرة واحدة لقيته دخل الشات قعدت اقوله همسح اصلا ومتقرأش وقالي هعملك بلوك ف قالي يسطا انت قمر وطيبة جدا شكلا وشخصية ف ضحكت قالي انت هتفضلي فاكرة نفسك موضع تريقة ليه وتقيلة ع اللي حواليكي انت بعتيلي 60 مسيدج طوال ومكنتيش تقيلة ابدا ف بدأت اقوله اني فعلا فقدت الثقة من جوايا بس بخبي وبينتلك دا علشان عايزة حد يعالجها معايا ونبقى صحاب ف قالي افلك لخسارتك وربنا شايلك الاحسن واني مش لوحدي اللي عندي مشاكل ف الثقة دا كلنا وانه هو كمان عنده مشاكل ف الثقة وقعد يهديني ف قولته انت قمر ف قالي بطلي تجاملي فيا بعدين انا بدأت اغير الموضوع تاني ف رجع هو يستخرج من كلامي اللي بعته اللي حاسه وقالي انت ليه حاسه انك مش مرغوبة ف قولتله استني بس انت مش متخيل انت ازاي قمر انا مش عارفه اعبرلك (انا كنت وصلت لقمة انبهاري بسبب اني كنت بشوف الاكونت بتاعه كتير وبشوف اي حاجه بينزلها مع اني مكملش يوم ونص من ساعة ماعرفنا بعض بس بردو كلامه القليل معايا طبطب عليا وواساني لابعد حد) ف قالي احنا دلوقتي بنتكلم ف موضوع مهم وبعدين مينفعش تجاملي فيا كتير مينفعش وطعم الكلمة بيروح وبعدين سألني عن سبب قلت ثقتي ف قولتله ع موت جدو ف قالي ثقتك بتتلكك لازم تعدي عادي وبعدين قولتله ان بابا مش موجود قعد يعتذرلي ويقولي ربنا يرحمه وبعدين قولت عن حلمي اللي ضاع كلمني كتير وازاي اقدر اعدي دا واني لسه قدامي حاجات كتير هعملها ومطمنتش كدا من زمان ،دا اللي انا كنت عايزاه صاحب، ونتيجة كلامي قالي انت لسه عارفاني مش لازم تثقي فيا كدا انا غريب قولتله لا انا مش بحب احكي لحد بس حكيتلك قالي ما انا غريب ومينفعش تثقي ف اي حد كدا وابطل ادي قيمة للناس متستحقهاش وانا قاعدة اقنعه انه مش حد ومش بدي قيمة لحد انا اصلا كنت ببعد وبكره كل الناس ومش بطلب حاجة من حد وطلبت منه نبقى صحاب بس كنت مصره انه لا مش غريب وقالي لازم تعامليني بحذر وبدأ يلخص كل اسألتي ليه ويديني حلول ويتكلم للمرة الالف ازاي احل دا وبعدين لاحظ اني بايتة ف الشات حتى لما هو بيخرج منه ف قالي متستنيش اني ارد واخرجي ومارسي حياتك وبدأ يظهر اني متعلقة بيه قالي انت مندفعة ومتسرعة ودا مخليني قلقان عليكي انا لو كنت حد وحش كان ممكن استغلك وبسرعه قالي متخافيش انا جنبك محدش هيقدر يعملك حاجه وانا طيب بردو والله وبعدين كان كلام كتير بقى بأختصار هو طمني وقالي اني لازم اهدي واعدي الازمة ومينفعش اثق بسرعة ولما خرج بقوله انت بتمن عليا بصحوبيتك ليا ف اتضايق وقالي انت اللي بتمني عليا انت مش محتاجه حاجه مني وانتي اجمل مليون مرة، انا كنت بعيط لما بيخرج م الشات ف قالي عادي قولي براحته يولع مش فارقلي انت ليك حياتك وخليته يحكيلي عن الاكس ف قعدت اعيط فعلا وهو مش عايزاني اثق ف حد علشان ما احس باللي هو حاسه وكلمني ان لازم يكون عندي حياة اجتماعية وصحاب كتير كنت بقوله مش عايزة غيرك كان بيقولي كدا غلط وانا كدا اي حاجة هعملها هتكسرك وانا مش عايز كدا وانا مكنتش عايزاه ينام وهو قعد يقولي اتا مش عايز اسيبك لوحدك والله بس بنام قولتله هعيط ياصاحبي، كلامه كله طمني انا اللي مكنتش بخرج من الشات وقاعده اقوله مش عايزة صحاب مش عايزة غيرك ومعرفتش اخبي تعلقي بيه بس هو كمان قعد يهديني ولما كان بقولي هنام واقوله لا او احكيله حاجه خسرتها يقولي حقك عليا انا اسف والله وانا معاك يامنة انت مش لوحدك، وبعدين رجع سألني ع حاجة من المسيدجات الكتير اللي بعتها ف الاول علشان قولتله اديني القطة بتاعتك ف قالي ربيتي حيوان أليف قبل كدا قولتله مش هعرفك حاجه عني تاني ف راح قايلي انا ما ربيتش طيب ما تربي يامنة ف قولتله هعمل كده قالي انت مامتك مش موافقة قوليلها انا عايزة حيوان أليف يونسني قالي هاتي رقمك هتعرفي تكلميني دلوقتي قولتله ايوا ضانا بحب صوته اوي وبدأ يقنعني اني لازم يبقى عندي صحاب كتير علشان مابقاش ضعيفة تاني وكل شوية يقولي حقك عليا لما بعيط علشان حلمي اللي ضاع ونمت وصحيت بعدها ب 3 ساعات بعتله قولتله وحشتني واستنيت ساعتين ونمت وصحيت بعها ع طول كان باعتلي بس اسلوبه اتغير علشان امبارح قالي احنا هنفضل صحاب والله ومش هسيبك ومش هجرح قلبك وعد ومش هكسرك بس علشان خاطري ماتتعلقيش بيا وتتعودي وتاخدي عليا علشان ماحسش بتأنيب ضمير انا لما بتأخر دقيقة عليك بحس بالذنب ف الصبح قولتله متعملش حاجه ورد انا مش همارس حياتي غير لما تكلمني ف قالي ماتكتفنيش قولتله سوري وسكتت وبعدها بلليل كلمته وقالي ع صحابه وانه عنده صحاب بنات قولتله انا اعلى منهم قالي مش بكلمهم قدك وبعدين كان فقد الشغف خلاص تقريبا شاف اني كل ما اكلمه هتعلق بيه اكتر وهو مش عايز حد يعلق اماله عليه بس انا مكنتش بكلمه علشان محتاجاه بس انا كنت بكلمه علشان بحبه بردو وعايزه اقوله اني جنبه وميزعلش ع اللي حصل وعايزاه يخرج م اللي حصله هو مش بيحب يتعامل مع بنات بس كلمني كتيرساعات متواصلة ومزهقش بس انا لما قريت الشات تاني شوفت انه فعلا بذل جهد كبير وكان مستعد يفضل معايا بس مش عايز يكون هو كل حياتي وازاي خليته كدا ف يوم واحد ومينفعش بس مكنتش اتوقع اني لما قولتله ممكن منتكلمش تاني وثانكس ع اللي عمله يقولي حاضر وخلاص كدا انا فعلا لما قولت كدا كنت عاوزه ابعد علشان كدا مش هركز ف دراستي واحقق حاجة ف اللي جاي بس المشكله اني بعيط من ساعتها بقالي خمس ايام بعيط مش بخرج من اكونتاته وبقرا الشات وبسمع الريكورد بتاعه بعتله ورنيت عليه كتير وماردش وعملي انفولو اخر حاجه لما بعت امبارح قولتله عايزة اشتكيلك منك عملي بلوك هو وعدني مايخذلنيش بس ليه خذلني وقالي مش هسيبك وعارف انه الوحيد اللي ف حياتي بس قالي اوعدك مش هجرح قلبك بس عمل كدا انا رجعت و واكتشفت اني لازم اعمل زي ماقالي اشوف يوتيوب وافتح فيس وانستا وتويتر وانشغل ويكون ليا حياتي، انا كنت كدا بس قبله، انا دلوقتي زاد ع كل المشاكل عندي خسارتي ليه مش قادره نفسي بس يكلمني مرة واسمع صوته، طيب هو كان عارف اني هروح اول يوم الجامعة هعيط وكان هيكلمني علشان ماكنش لوحدي طيب ازاي انا هروح اول يوم، دكتور انا لما بتعلق بحد بفضل اعيط وحياتي بتقف انا مش عايزة دا يحصل، احمد كان قايلي اشوف فيديوها ع اليوتيوب تساعدني ان ثقتي ف نفسي متتهزش بسهولة عملت كدا امبارح وعملت اختبارات كتير ومعظمهم قال اني لازم اروح لدكتور نفسي فورا بسبب المشاكل اللي عندي اني كارها الناس وافكاري مشوشه واني مش عايزة اكل ونقصان الوزن وقلة الثقة ومش بحب اتعامل دلوقتي مع حد حتى ماما وبتعصب واخر حاجه اني افكر اني اموت نفسي او احاول الحقيقة انا التفكير دا مش بيفارق دماغي بس بفكر ف العواقب برجع بس انا والله تعبت ومش قادره اكمل وحاسه ان اسهل حاجة هعملها اني لما اروح الجامعه لوحدي مش هتردد وهنط قدام المترو انا مبقاش عندي اي دوافع للاستمرار حرفيا مش هقدر ادخل الكلية دي ومش هقدر ادي اي حاجة فيها وانا مبفاش ليا ولا اشخاص ولا اهداف عايشة ف انا ليه افضل مكملة حياتي غصب،انا عندي مشكلة التفكير بردو يعني قبل احمد حتى كنت بحاول اتخطي المشاكل اللي عندي وبشتغل ع نفسي بس مش بقدر بفضل ارتب حاجات كتير اعملها ومش بعملها انا دلوقتي متعلقة ومكسورة ومش عارفة اكمل ومحتاجه بابا وعاوزة ثقتي ف نفسي ترجعلي تاني واركز ع حياتي انا والله عايزة احقق حاجه ومفضلش واقفة قدام النقطة دي طول عمري بس انا طاقتى استنفذت، وبالنسبة لاحمد انا عايزة اهتم اكتر بالسوشيال ميديا بتاعتي انا بكره اكون دراما كوين ومخنوقه علشان علاقتنا كانت مقتصرة ع اننا بنشتكي اكتر ما بنضحك ونهزر بس انا ملقتش غيره افضيله اللي جوايا المهم انا مخنوقة اني خليته يبذل مجهود معايا مش عارفة اعتذر ازاي وعايوة ابطل اشوف كل شوية هو نزل ايه وما اهتمش بيه، عايزة اسمع اغاني اكتر وارجع اشوف مسلسلات وافلام واحاول مع اني معتقدش اني هعمل حاجة ف المجال دا بس هحاول انجح