سؤالي عن ازاي اتعامل مع امي اللي بتدخل ف حياتي...

سؤالي عن ازاي اتعامل مع امي اللي بتدخل ف حياتي زياده عن اللزوم اللي دايما بتشوفني وحشه واسلوبي وحش اللي بمعني الكلمه دمرتلي حياتي انا بنتها الوحيده وبابا مات من ١٧سنه وانا كنت متعلقه بيه جدا واتصدمت بموته كاني فقدت الامان لانه هو اللي كان بيحتوني وعمره م ضربني وهي اللي كانت بتضربني من وانا صغيره وبدل م تحتويني بعد موته وتصبرني وتديني الامان والثقه لا كانت بتتعصب عليا وتقولي يارتني متجوزت ابوكي ولا خلفتك يلا روحي عند عمك وكانت بتهتم اكتر بتيتا الله يرحمها اكتر واخواتها وكنت بقول اكيد انا غلطانه واروح اتأسف لو بس ردت فعلي زعقت او كدا وتقولي انتي عاقه لحد مكبرت ودخلت الكليه وبقا ليا صحاب بقت مش عايزني اصاحب حد وتقولي دول مش كويسين ابعدي وكنت ببعد واقول اكيد انا غلط واسمع كلمها لحد م اتخرجت وبقيت قاعده معاها كل شويه تشتكي مني ل اختها واخوالي وتقول عني اني عاقه ومش كويسه وكرهتهم فيا ومش عيزاني ادافع عن نفسي راقول ع معملتها ليا وتقول عايزه تفضحيني اقولها حلو توحشي صورتي قدامهم تقولي انا امك والرسول وصي ع الام لحد م زهقت وابتديت اتعصب وهي هكذا وجابت خالي علشان يتدخل واتدخل واخدها عنده وقالي انتي بره الشقه باسم اختي وانا هخدها معايا المهم سابوني لوحدي انا الحمدلله بابا الله يرحمه ساب ليا ميراث كويس كان عندي عربيتي مشيت وروحت عند واحده من صحابي اقعد عنها مع انها كرهتني فيهم وقالت مش كويسه بس اضطريت وقعدت وبقت ابكي واتصل بيها ومتردش عليا وقفلت تلفونها حوالي شهرين ع رغم تعبت وجالي التهاب رئوي وصخبتي كلمتها قالتلها معرفش لما اخد رأي اخواتي ابقا اعرف اذا كنت اجيلها ولا لا لان انا لما اتوجع هقول اخ مش بنتي 😓وسبتني واتكسفت من صحبتي وسبتها واجرت شقه وقعدت فيها لوحدي وبعد شهرين بعد م خفيت وخربت ملاطه زي م بيقولوا رجعتلي وقالتلي سامحيني انا غلطانه ورجعت واديني قاعده معاها بس معملتها ليا مش حلوه بقولها كل شويه ممكن تحضنيني تطبطبي عليا انا فاقده الامان تعمل كدا ف سعتها وبعدها تضايقني بتصرفتها وكلامها وبشوف ف نظره عينها حاجه متطمنش بقيت خايفه جدا وكل م شخص يقربلي تقولي ابعدي دا بيتسلي بيكي دا طمعان ابقي خايفه اكتر من الناس كلهم انا وصلت لمرحله اني انتخرت كتتتير ولا هونت عليها بتتنتحري ليه عايزه الناس تقول اي ..انا مش عارفه اعمل اي ابعد واسيبها واشوف حياتي اللي وقفت دي انا تعبت انا قلبي وجعني انا كل يوم بنام دموعي ع المخده وابكي واقول يارب احضني انت طبطب عليا انت ولما احكيلها واقولها اللي بيحصل يمكن تحن تقولي محدش بيحس بحد