انا كنت متزوجه وانا عندي 18 سنه وبعد 13 سنه اطلقت...

انا كنت متزوجه وانا عندي 18 سنه وبعد 13 سنه اطلقت بسبب مشاكل عائليه ومصاعب الحياه وهو كان دايما معهوش فلوس وكان معايا ولد وبنت كان حتي في الاعياد مش بيشتري ليهم هدوم ونزلت اشتغلت مندوبه مبيعات علشان اساعد في تربيه العيال معاه رمي الحمل عليه بردو وهو كان بيشرب بمرتبه سجاير وطبعا مرتبي مكانش بردو بيكفي واتعرفت علي ناس كتير منهم واحد كنت شايفاه معلم وحاجه كبيره محلات عصير ورسملي البحر طحينه وعربيه وارض في البلد وبيتين المهم بقا ياخد مني شغل كتير لانه متجوز وعنده بنتين و3 اولاد المهم بعد فتره طردني من البيت حلفت ماارجع تاني وهو كان فاكر اني هستني ارجعله وهعيش زي البيت الوقف بس انا رفعت قضيه خلع واطلقت لاني استحاله كنت هرجع واعيش مع اهله ومعاه بعد ماضربني وطردني قدام ولادي وخدهم مني وحماتي مردتش تدهملي والكلام ده من 7 سنين وبعدها المعلم عرف اني رافعه قضيه خلع طلبني للجواز انا بصراحه قولت ياريت مراته في المنيا ماليش دعوه بيها وانا هعيش هنا محدش هيعرف حاجه بدل مااعمل حاجه غلط لانه طلبني عرفي فرفضت وكنت عارفه انه عياله كبيره وبنته متجوزه ومطلقه ومن 3 سنين انا طلبت الشقه باسمي حتي لو ايجار قديم جابلي الشقه فعلا باسمي دفع 30 الف هي صغيره جدا بس فرحت بيها علي الاقل مش هطرد من بيتي وودب الشقه وكتبنا الكتاب ومراته عرفت كانت بتسجل مكالماته المهم قاللي كده احسن علشان اكون براحتي بس انا كنت عايزه مرتاحه مع واحد يعوضني وميخلنيش محتاجه لحاجه بس للاسف اكتشفت بعدها ان عياله مضيقينه وعايزين فلوس علي طول وماسكينه من ايده اللي بتوجعه بسببي وهو رصيده صفر عنده محلين ايجار واحد قديم والتاني جديد ومش مكفي حاجه والبيت اللي عايشين فيه بتاع امه وجمبه بيت 3 ادوار فعلا شاريه وعنده حته ارض فعلا بس مش بيعرف يتصرف مع اهله وولاده ولا عارف يسد ديون شغله انا كمان لاحظت انه مش بيحب يدفع اللي عليه ورجعت ريما لعادتها القديمه بل بالعكس حياتي بقت اصعب لان انا متهمه انه معاه وكل فلوسه بيديهالي وديونه انا السبب وانا حتي الدهب اللي حيلتي بعتهوله بسبب قضيه غلق علي المحل ودلوقتي انا كمان بقا عندي بنت عندها سنه ومش عارفه اتصرف وهو حتي فكر يبيع حته الارض ويسد ديونه ويوضب محلاته ده كان راي قولتهوله كنت عايزاه يعيش من غير ديون ومرتاح ويغير من حاله شويه مش عارفه اغيره امه رفضت وقالتله بعد مااموت متبعش حاجتك هما فاهمين انه معاه وهو مديون لطوب الارض وعليه فلوس لشغل كذا حد وشقتي مش عارف يدفع ايجارها بقت متراكمه 6 شهور وجايب شقه لابنه عايش هنا علشان المعهد عليه 3 شهور ونور ومياه والحياه معايا بقت حاله نفسيه بجد وانا يتيمه واخواتي مش هيعملولي حاجه هما عايزني يبقي ليا بيت وبس وانا ولا بنتي عارفين نعيش والله انا مش عايزه اطلق انا بس عايزه اعيش مبسوطه امي ماتت وانا عندي سنه وابويا كان بيجوز كتير ومات من 10 سنين وماليش حد الجآ ليه ومحلتيش حاجه خالص يعني مش هعرف اصرف علي البيت ولا نفسي لو انفصلت وتعبت