انا نزلت اجازه طواري عشان والدتي كانت بتعمل عمليه...

انا نزلت اجازه طواري عشان والدتي كانت بتعمل عمليه فى شهر أغسطس واتفقت مع الشركه هنزل خمس ايام بس بس اتأخرت ورجعت بعد ١٥ يوم لقيتهم وقفوني عن العمل وبعدين مكنش عندي شغل ولا مصارف فاضطريت انزل فى نص تسعه فضلت فى مصر لحد اول ديسمبر ورجعت فى المطار عرفت ان البنك عملى تعميم ورافع شيك بعديها بيوم روحت شرطه الرفاعه وحددو ميعاد مع وكيل النيابه وقالى أدفع كفاله الشيك ٢٠٢٠ بس مكنش معايا فلوس فعملت اعتراض على الحكم واتحولت على المحكمه المهم جالي عقد عمل في آخر يناير فطلبت من الشركه انها تكنسلني عشان اروح الشركه الجديده بعديها بعتتلى ايميل انهم مش عارفين يكنسلوني لاني عندي مشكله مع البنك فى النيابه وقالولى معايا اسبوع عشان اخلص المشكله وجت ازمه كرونا ومعرفتش اعمل اي حاجه والدنيا داست عليا جامد بسبب اني معنديش دخل المهم بعدها اتواصلت مع شخص عرفني اني ممكن اكشف على الحكم لو كان اتحكم فيه برقم البلاغ على موقع النيابه العامه لقيت ان المحكمه حكمت ف الشيك إللى عملت فيه اعتراض بغرامه ١٠٠٠ درهم فى ١٠ يناير المهم في حد كان هيساعدني اني أدفع الغرامه ويديني تكت وانزل مصر لان فرص الشغل بقت صعبه فطلبت من الشركه فى نص يوليو الجواز بتاعي قالولى انهم سلموه للجوازات وعملو بلاغ هروب عشان يخلو مسئوليتهم القانونيه لو اشتغلت فى اى مكان بالاقامه بتاعتهم ومن ساعتها وانا مش عارف اعمل ايه وناس بتقولى اني هتسجن وبجد مش عارف ابدتي منين