إسأل دكتورة نفسية الآن

عاليا احمد

عاليا احمد

دكتورة نفسية

الأسئلة المجابة 31440 | نسبة الرضا 98.1%

الزواج و الإرشاد الأسري

سلام عليكم... ابني بعمر7 سنوات ... عندما انجبت...

تم تقييم هذه الإجابة:
سلام عليكم... ابني بعمر7 سنوات ... عندما انجبت طفلي كان هادئ جدا وكان اسهل طفل ممكن تعرف بنام بمواعيد وبصحى بمواعيد مطيع هادئ امور... لكن عندما اصبح عمره 2 وبدا بمصائب متتاليه .. اولها انه احضر قداحة المجلى وحرق غرفته بعدها اختبأ بالخزانه وكنا نفتش عليه طول الليل ... بعدها صار عمره 7 حاليا ركب البسكليت وراح فيه عند سته من غير ما يخبرنا مع العلم انه دائما بنبه عليه لما بدو يطلع يحكيلي وماخد بنت الجيران معه كمان عمرها5 بدو يوصلها عند ستها تركها بالشارع على اساس انه هون بيت ستها وضل مكمل عند جدته ،، لما حكت مع ابوه انه موجود عندها رجع بالبسكليت على الدار مره تانيه لحاله مع العلم انه المسافه مش بسيطه في شوارع وطلعات ونزلات وانا بفتش باغراضه لقيت خريطه راسمها عشان يروح عند جدته مبين الشوارع والدكاكين اللي رح يمر عنها ... طبعا عاقبناه لانه صار يفهم وقال ما بعيدها ..العقاب مش ضرب العقاب انه البسكليت تفكفك وانه يساعد ابوه بزراعة حديقة الدار...المهم ... بتفاجأ بعدها بفتره بسيطه جارنا بقول انه شافه بتسلق السور وبعدها بنط على سقف مخزن جنب الدار وبعدها بتسحسل على عمود كهربا ليوصل الارض وهكذا... طبعا ردينا عاقبناه وحكينا معه والعقاب كان انه يساعدني بشغل البيت ... بس ما في فايده بحس الولد عنده لا نهائي من الافكار وبنفذها والعقاب مش ماشي معه بقله خطر بستسخف الموضوع بقلي تخافيش بصرش اشي .. بعدها رحنا عند دار خاله غافلنا هو وابن خالو وضلو يطلعو وينزلو بالاصنصيل ... يا ريت تلاقولي طريقه للتعامل معه ...
مساعدة الخبير: هل راجعت دكتور نفسي من قبل؟ أو حاولت أي شئ آخر؟
لا
مساعدة الخبير: هل لديك أي معلومة أخرى تريد أن تطلع الدكتور النفسي عليها قبل أن أقوم بإيصالك به؟
بدي احكي عن بنتي كمان روح قلبها الكذب الامر بستاهل او ما بستاهل بتكذب عمرها 10 سنين مش بس هيك بتعمل علي افلام يعني بتعمل حالها خايفه قال من لعبة مومو كان عمرها 7 واخدناها عند ست كبيره بتشيل الرعبه وبعد سنتين بتقلي كنت امزح ... طبعا قلبنا المدرسه والمديره واخصائية المجتمع اللي بالمدرسه والبنات اللي خوفوها تعاقبو ... بعدين قالت انه ابن عمتها تحرش فيها كان عمرها 8 وعملنا مشكلة وتبهدل الولد بعدها قالت انه من عقلها ... بطلت اصدقها باشي وهي حاسه اني ما بصدقها بتضل تقلي انت ما رح تصدقيني وكل ما تحكي هلا بتصير تحلف ... يا ريت تساعدوني بطريقه تبطل هي كذب وانا اصير اصدقها ...كمان بتحب تبين انها شاطره وبتصلي قدام الناس بس بالدار ما بتصلي كانها بس عشان يقولوها انها شاطره او بتحب الصلاه... وشكرا لكم

إطرح سؤالك

إجابة الخبير: عاليا احمد

عاليا احمد

عاليا احمد

دكتورة نفسية

الأسئلة المجابة 31440 | نسبة الرضا 98.1%

من الواضح ان ابنائك لديهم خيال واسع وليس كذب فالبنت تتخيل امورا وتحكيها علي انها حقيقه والولد عاشق للمغامرات ويبدو ان الابناء يعيشون كبتا يقلل من حريتهم وانطلاقهم وفي حالة الولد حاولوا اشراكه في مخيمات التي تعلمهم الاستكشاف والمغامره ولكن مع مراعاة ان يتبعوا اجراءات السلامه فسوف تفيده جدا تلك المخيمات وتوسع من افقه وتعلمه ان يحافظ علي نفيه وايضا يمكنه هو ووالده او الاسره ومجموعه من الاقارب ان تخرجوا لاماكن مفتوحه وتعملوا مثل تلك الالعاب للبحث عن شئ مفقود وتضعوا بكل مكان دليل حتي تشبعوا روح المغامره داخله ويتعلم ايضا ان المغامره ليس القاء نفسه للمخاطر
اما الفتاه فتحدثي اليها وتقربي منها واشعريها بالحب والامان واخبريها انكم ستبداون معا من جديد وانها يجب ان تقول الصدق دائما ومهما كان الخطأ ستسامحيها لانها اعترفت به ولم تكذب وخذي كلامها بعد ذلك علي انه الصدق دائما  تعيدي سؤالها ولكن راقبيها جيدا دون ان تشعر بذلك ، وحاولي ان تصاحبيها وتخبريها ان اي شئ تريد معرفته او ترغب بالسؤال عنه مهما كان ستكوني الي جوارها وتشرحي لها كاصدقاء ، واجعليها تبدا في هواية الكتابة لان من الواضح ان خيالها واسع فاخبريها ان تكتب ما تشعر به وتصيغه كقصه وانك ستقراي القصص والقصه التي تعجبك ستحضري لها هديه لان ذلك سيساعد علي افراغ افكارها وايضا تعلمي ما يجول بخاطر ابنتك
يمكنك تحميل تطبيق جواب لمتابعة استفسارك مباشرة مع الخبير ،كما يمكنك التواصل مع خبراء مختصين في أكثر من ١٦ مجال بالإضافة إلى مواضيع أخرى يومية من خلال الضغط على هذا الرابط 
تحميل تطبيق جواب

إسأل دكتورة نفسية

عاليا احمد

عاليا احمد

دكتورة نفسية

الأسئلة المجابة 31440 | نسبة الرضا 98.1%

  • 100% ضمان الرضا
  • انضم الى 8 مليون من العملاء الراضين
المحادثات تتم ضمن هذه البنود

في الأخبار