احب زميلة لي في العمل منذ سنتين وصرحتها بحبي ولكن...

احب زميلة لي في العمل منذ سنتين وصرحتها بحبي ولكن بشكل غير مباشر وكنا نتبادل الهدايا وكنت اشعر الحب من نحيتها والاهتمام .. ولكن لم تصارحني بشكل مباشر .. ولم استطع خطبتها بسبب ظروف مادية .. وفوجئت منذ شهر انها تعلن خطوبتها لنا ولما قولتلها ليه معرفتنيش من فترة لاني قريب منها واصدقاء قالت خفت تزعل .. كلمتني بعد الخطوبة وقالتلي انا حاسة اني اتسرعت ومش مقتنعة بيه وحاولت انصحها انها تكمل لانه شخص كويس وكمان هي سنها كبير فلو فكت الخطوبة فرصة الخجوبة تاني صعبة وانا ظروفي مش هتسمح اخطبها وهي كانت هتموت وتتخطب على حد علمي .. كنا كويسين سوا وبنتكلم فجأة لاقيتها بتقلل كلام معايا وبتقولي مينفعش نتكلم كتير غير في حدود العمل ولما احتاج رأيها في حاجة فقط لان حاسة انها بتقرطس خطيبها ولازم تحترم وجوده في حياتها .. انا كنت عاوز نفضل اصدقاء واخوات طلاما معرفتش نكون احباب او مخطوبين .. دلوقت انا منعت معاها كلام تماما والمفروض انها عارفة اني زعلان وعملتلها بلوك على التواصل الاجتماعي ورجعت فكيته وسايبلها فرصة نتكلم على واتساب كالعادة بس انا بعدت وقولتلها معنتش هتكلم خالص في شغل او غيره ولو هموت مش هكلمك بس لو انت عاوزة هتلاقيني موجود .. انا حاليا بحس انها وحشاني وبحس اني عاوز اكلمها واشوفها .. اعمل ايه هل ابعد واسيبها هي تقرب لان حصل قبل كده قبل خطوبتها وبعدت فترة وهي اللي رجعت تتواصل معايا ومرة بعد خطوبتها وعملت بلوك فضلت تتصل بيا وتكلمني بردو .. ولا اكلمها في حدود العمل ولا امنع كلام نهائي حتى في العمل ؟