لما تكبر والمسافه بلاد بعيده بين ولادك واللي يجمع...

لما تكبر والمسافه بلاد بعيده بين ولادك واللي يجمع بس بينكم قال مكالمه في الموبايل ألو الو ألو الو والمدام بتنادي يا ابني خد ابوك والولاد مش عايزه تسمع اللي يزهق واللي يلعب واللي لآ واللي حاضر وانت تضحك غصب عنك رد يا ابني دا أنت ياض كتير وحشني وأمه جنبه تزق فيه قول لبابا وأنت وحشني والسؤال مع الولاد يجيب سؤال والكلام يجيب كلام فجأه يسأل حد فيهم امتي جاي ؟؟ والاجابه جاي قريب والولد تلاقيه يعيب جاي امتي؟ ؟ مش قريب ¡¡¡ جاي بكره جاي بعده والسؤال مش لاقي رد والسنين تجري وتعدي والفراق هو اللي باقي والولد وحده بيكبر ااااه يا وجعي يا اشتياقي والمكالمه في الموبايل لسه بينكم الولاد عاملين ايه ؟؟؟ الولاد عاملين عمايل !!!!! مره تشكي مره تبكي مش كفايه تعالي ربي فاض خلاص مش قادره اخبي وانت ساكت في الموبايل الولاد !!!!!! الولاد كبرو خلاص ضاع شبابك خدت ايه بكره لما يطول غيابك لما ترجع راح يقولوا جاي ليه خدنا يابا علي البعاد جاي تكمل بعد ايه تبقي خلصت تبقي خلصت لو تسيب الغربه تاخدك تبقي خلصت تبقي واقف جوه سجنك تبكي عينك يبكي دمعك غصب عنك ااااه يا حيره بجد حيره اعمل ايه !!!!؟؟ لو قعدت في بلدي قولي اعمل ايه عايز اقعد بين ولادي بين صحابي جوه بلدي بس قولي الحل ايه الوظيفه ........ طب مفيش قرش ركنه ...... طب مفيش يبقي ايه !!!!! شوفت حيرتي اد ايه يا سجين في الغربه زيي ابكي زيي احكي زيي خبي زيي واللي عايز تقوله ليهم قوله ليهم في الموبايل