إسأل مفسر الاحلام الآن

كايد محمد

كايد محمد

مفسر الاحلام

الأسئلة المجابة 76269 | نسبة الرضا 97.9%

تفسير الأحلام
تم تقييم هذه الإجابة:

. حلمت إننا جالسين أنا والشيخ اللي يرقينا وأمي وأخوي علي في حوش أهلي من جهة غرفة السواق ومع الشيخ لبوة وأسد كانوا هادين جداً وطلع الشيخ وخلاهم عندنا .. وبعدماطلع ثاروا علينا وصاروا يزأرون وهايجين ويحاولون يهجمون علينا وحنا ندف الباب علشان مايدخلون علينا وهم يدفون الباب يبون يهجمون علينا ..وقلت لخواتي حقين القصيم شكلهم جوعانين إن الشيخ قايل لي إنه ماعنده فلوس وحالته صعبة شكله ماعطاهم أكل .. وفتحت شباكة من المطبخ على السيب حق الدرج وعطيتهم أكل وجلسوا يأكلون بشغف وهدوا .. ودقينا على الشيخ وجاء بسرعة وعليه قميص بيت وقلنا له جوعانين وقال لا أنا معطيهم أكل موب هذا السبب بهيجانهم .. وبعدين جلسنا نسولف مع الشيخ وهو يسألنا عن شقة مفروشة رخيصة يروح لها مع زوجته المسيار وكانت معنا بنت أختي اسمها أميرة كأنها كانت مطلقة ومبسوطة إنها مطلقة وتقول التغيير حلو ومعنا أختها شعاع . بعدها بيومين تقريبا شفتني أسولف أنا وأمي وخالتي المتوفيه وطلعت أمي تتوضأ وسألت خالتي مب أنت ميته ولا وش السالفة دفنوك وأنت حيه بالغلط وطلعتي جت بتجاوبني ودخلت أمي وناظرت السرير ولقيت خالتي مختفيه وأمي وهي تمشي تبي تصلي تعكرفت وطاحت وانسفط ساقها للخلف على فخذها وتألمت ثم صرت بحوش زوجة أبي بجوار أهلي وحوشهم كله بيارات ومجاري وخزانات مفتوحة ورحت قلت لهم ليش كذا مخلينها مفتوحة يطيح بها أحد قالوا أبدا مو مفتوحة ورحت وريتهم إنها مفتوحة ورحت لحوشهم الملاصق لأهلي أوريهم حفر موجوده بحوشهم ومريت من حفره بالتراب خفيفه وبعدها حفرة عميقة وكبيرة جدا وداخلها قطط منسدحه على شكل حلقه نحسبها ميته ماتتحرك وفجأة قاموا كل القطط وصاروا يتحركون لكن تحسهم مريضات يتحركون ببطء وطلع في وسط القطط أسد كبير وضخم وهايج ويحاول يهجم علينالكنه ماقدر يطلع من الحفره .. والبارح حلمت إننا باستراحة ونسوي دورية عزايم وزوجي (اللي هو طليقي حاليا ) كان ماطلقني في المنام جايب لنا شوكلاتات بأشكال جميلة وغريبة وشكلها حلوه وفخمه لكن العالم تفرقوا من الاستراحة ولا أكلنا غدانا ولا الحلويات وطلعنا وسافرت وتركت كل شي بالاستراحة ورحت لبيت أهلي مطلقة وفيه بنات خواتي القصيم خلود وأميرة وعيال القصيم يزيد ووليد وأخوي نادر يلعبون بلاي ستيشن ومعاهم ٤ سوني 4 ودخلت عليهم بصلعتي بدون الباروكة وطلعت ورحت أنام وكنت معلقة باروكتي بمكان آمن وصحيت الصباح وهم يقولون تبي تجي زوجة أبوي وخواتها يسلمون علينا وسلمت عليهم وصلعتي طالعة وحطيت يدي على صلعتي ولزقت يدي براسي ورحت أدور باروكتي أبلبسها ولقيت أميره معلقتها في مكان مسبب فيها ثقب وزعلت جدا ورحت للحمام عبيت البانيو مويه إلى منتصفه وانسدحت فيه وشفت صارور كبير بالموية جاي باتجاه رجليني وأحاول أبعده وهو جاي باتجاه منطقة المهبل وكنت خايفه يدخل فيها وبعدها حسيت بشي يمخشني تحت مؤخرتي ورفعتها وطلع لي صوارير كبيرة وكثيرة تطلع من تحت مؤخرتي وكنت أفكر من وين جت الصراصير شكل بالوعة البانيو مفتوحة وتطلع منها وكنت أحاول أطلع من البانيو ولاقدرت كأني مربطة كنت أحرك رجليني ويديني أبعدها عني وصحيت وأنا أحركها. وقديم قبل أكثر من سنه رأيت أسد في بيت أهلي من جهة غرفة السواق وحاجر أخوي علي وزوجته بالسطح وأنا وبنتي لمياء كان عمرها بالمنام خمس سنوات نحاول نلهب الأسد علشان يطلعون أخوي وزوجته .. عمر بنتي ٢٠ سنه في الواقع. السلام عليكم .. الله يسعدك بالدارين .. البارح كنت مشغلة رقية عندي قبل أنام و يمكن الساعة وحده ونص شخص بصري وتعلق نظري بالسقف وكان جسمي يابس وعيوني ماترمش وكان واصل في الرقية مقطع اللهم أبطل كل سحر عمل بأثر .. وبعدها كملت نومي وصحيت مره ثانيه بنفس الحالة السابقة وكان يقول اللهم فك عقد الأرحام .. وبعدها نمت ورأيت رؤيا إني نائمة وفيه زي الكهرباء والتنميل يطلع من جسمي ويتجه للسقف وبعدها رجع ودخل جسمي بقوة وحسيت فيه وبالمنام صحيت وكنت جالسة مع خالتي المتوفيه وتسألني عن حالي وقلت لها إني البارح جاني زي الكهرب ووصفت لها الموقف وقالت إنهم يطلعون من جسمك ولايلقون منفذ يطلعون منه لأنك مسكره البيبان والشبابيك فإذا شغلتي الرقية خلي الشباكة مفتوحة .. وكانت أختي منى تصبغ شعر أمي وقالت غسليه بعد نص ساعة وراحت منى وأمي طولت بالصبغة وأنا أقول لها خلاص غسليه وأمي ماتبي وبعد جدال والحاح مني راحت أمي تغسله .. وبعدها شفتني نايمه وجلال ( شرشف) الصلاة_ مربع أزرق عندي مثله في الواقع _كان يطير في السقف ويدور يدور وأنا خايفه وأجمع عيالي وأقول لهم تعالوا عندي وعيالي يضحكون يحسبونها لعبة عاجبتهم وأنا تذكرت كلام خالتي وقلت افتحوا الشباك افتحوا الشباك وفتحناها وراح وقف عند الشباك وقال لي تبين أعلمك قبل أطلع مين ساحرك قلت إيه قال أختك أمل وأنا في قلبي أقول يكذب يبي يسبب فتنه لأنه يدري إني لي سنتين مقاطعه أمل .. قال تبين أقول لك مكانه قلت إيه وطلعني من الشباك وفيه تحت الشباك زي الرف مشينا عليه من خارج البيت بالدور الثاني إلين وصلت شباكة غرفتي قبل أتزوج في بيت أهلي وقال شوفيه ... وكنت أشوف تحت بالحوش خالتي وبنتها منيرة جالسين في حوش أهلي وصحيت من الحلم. بعدها بيومين تقريبا شفتني أسولف أنا وأمي وخالتي المتوفيه وطلعت أمي تتوضأ وسألت خالتي مب أنت ميته ولا وش السالفة دفنوك وأنت حيه بالغلط وطلعتي جت بتجاوبني ودخلت أمي وناظرت السرير ولقيت خالتي مختفيه وأمي وهي تمشي تبي تصلي تعكرفت وطاحت وانسفط ساقها للخلف على فخذها وتألمت ثم صرت بحوش زوجة أبي بجوار أهلي وحوشهم كله بيارات ومجاري وخزانات مفتوحة ورحت قلت لهم ليش كذا مخلينها مفتوحة يطيح بها أحد قالوا أبدا مو مفتوحة ورحت وريتهم إنها مفتوحة ورحت لحوشهم الملاصق لأهلي أوريهم حفر موجوده بحوشهم ومريت من حفره بالتراب خفيفه وبعدها حفرة عميقة وكبيرة جدا وداخلها قطط منسدحه على شكل حلقه نحسبها ميته ماتتحرك وفجأة قاموا كل القطط وصاروا يتحركون لكن تحسهم مريضات يتحركون ببطء وطلع في وسط القطط أسد كبير وضخم وهايج ويحاول يهجم علينالكنه ماقدر يطلع من الحفره

إطرح سؤالك

شارك هذه الصفحة

إجابة الخبير: كايد محمد

كايد محمد

كايد محمد

مفسر الاحلام

الأسئلة المجابة 76269 | نسبة الرضا 98%

إِنَّ الْحَمْدَ لِلَّهِ نَحْمَدُهُ وَنَسْتَعِينُهُ مَنْ يَهْدِهِ اللَّهُ فَلَا مُضِلَّ لَهُ وَمَنْ يُضْلِلْ فَلَا هَادِيَ لَهُ وَأَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ وَأَنَّ مُحَمَّدًا عَبْدُهُ وَرَسُولُهُ، أَمَّا بَعْدُ.اللهم لا سهل إلا ما جعلته سهلا وأنت تجعل الحزن إذا شئت سهلا .اللهم رب جبرائيل وميكائيل فاطر السموات والأرض تهدي من تشاء إلى صراط مستقيم أهدني لما أختلف الناس فيه من الحق بإذنك إنك تهدي من تشاء إلى سراط مستقيم .خيراً رأيت وشراً كٌفيت .الأخت الفاضلة ما رأيت في منامك كله يدل على سحر معمول لك وأعملي بنصيحة خالتك المتوفاه .فحولك أعداء لك وبعضهم شديد وقوي وحريص على أذاك بكل الطرق وأنت ربما سحرك سحر مطعوم بمعنى أنه مشروب ومستقر في البطن .وحاولي أن تشربي ماء زمزم يكون مرقياً .وعليك تجنب المعاصي والذنوب وأخلعي كل صورة أو تمثال من بيتك وتجنبي تشغيل التلفاز ومشاهدة المسلسلات والأفلام والأغاني وما يلهيك عن ذكر الله .وأكثري من الأستغفار بالليل والنهار .وواظبي على صلاتك في وقتها وزيدي من أعمال الخير ,وتعوذي بالله من الشيطان الرجيم وأتفلي عن يسارك ثلاث مرات ولا تحدثي أحد بما رأيت ,وأطلبي من الله تعالى أن يفرج همك وينفس كربك ولا تقنطي من رحمة الله تعالى فهي قريب من المحسنين ,شافاك الله وعافاك ’ هذا والله تعالى أعلم وأحكم فما كان من صواب فمن الله وحده وله المنًة والفضل وما كان من خطأ فمن نفسي والله تعالى من براء وأستغفر الله وأتوب إليه .أسأل الله تعالى أن يوفقكم لما يحب ويرضى ويتجاوز عنكم سيئات أعمالكم ويدخلنا وإياكم في رحمته إنه وليُ ذالك والقادر عليه اللهم آمين

إسأل مفسر الاحلام

كايد محمد

كايد محمد

مفسر الاحلام

الأسئلة المجابة 76269 | نسبة الرضا 97.9%

  • 100% ضمان الرضا
  • انضم الى 8 مليون من العملاء الراضين
المحادثات تتم ضمن هذه البنود

في الأخبار