انا بنت عندي 19 سنة و مقري فاتحتي علي شخص بحبه جداااا و هو فعلا كويس جداااا ما شاء الله عليه و اهلي بيحبوه و بيحترموه لأقصي درجة و خطزبتنا ان شاء الله كمان شهر ... حلمت اول امبارح ان اختي قالتلي انا هجيبلك الفستان و الدبلة و الخاتم و كل حاجة تنقي منها في البيت و فعلا جابتلي فستان قمة في الروعة لكن للاسف لما قسته لقيته مش مظبوط عليا من تحت ضيق شوية ... و فضل كل اهلي اللي قاعدين يتفرجوا مصدومين و مش بينطقوا بكلمة غير انهم بيهزوا في راسهم انه لا وحش عليا وقعدت احاول اقنعهم بيه و اقولهم علي حلول بس مقتنعوش و مردوش عليا اصلا .... و كانت اختي جايبة علبة تانية فيها الدبل و الخواتم اللي هنقي منها ... لقيتها جايبة حاجات كتير اووووي كذا دبلة و كذا خاتم و كذا حلق و اسورة و سلسلة ... منهم الذهب الاصفر و الابيض و الالماظ و اللؤلؤ من كتر اللؤلؤ اللي كانت جايباه كان بيقع علي الارض منحسش بيه و كان فيه ذهب كتيير .... ارجوك انا نفسي أعرف حالا تفسير الحلم ده سمعت انه مش خير ابدا .... مع العلم اني لما حلمت الحلم ده تاني يوم انا و خطيبي زعلنا من بعض و كانت مشكلة و نكد كبير اووووي ومع العلم كمان ان فيه احتمال الخطوبة تتاجل عشان ظروف الامتحانات بتاعتي ... أرجو الرد سريعا