مرحبا دكتور انا فداء من فلسطين عمري 31 سنه متزوجه...

مرحبا دكتور انا فداء من فلسطين عمري 31 سنه متزوجه وعندي بنت وولد من سبع سنين بدي احكيلك قصتي من الاول انا بنت عاديه من اسره متوسطة الحال ترتيبي الوسطى بين اخوتي وكان معدلي بالمدرسه جيد جدا وشوي شوي صرت اخد امتياز لحد ما اخدتها الاولى على الصفين الادبي بالثانوي وتخرجت وع شان الظروف الصعبه درست في جامعة القدرس المفتوحه مع اني حاصله ع معدل 91.03 في التوجيهي بس لاني من يومي برضى باللي ربنا قسملي اياه قبلت اداوم فيها ع شان ما ازيدها ع اهلي كونها كانت بداية انتفاضه الظروف مش مساعده والحمد لله تفوقت ودرست ع حساب الجامعه وما كلفت اهلي وخلال الدراسه كان يتقدملي عرسان وكنت ارفض ع شان اكمل تعليمي واتوظف واحقق حلمي واساعد اهلي واردلهم شيء بسيط من اللي عمولوه ع شاني مش ابوي طبعا اللي صرف عليي وانا ادرس خواتي الاكبر مني كانو يشتغلو ويصرفو عليي وع اخوي اللي كان يدرس بالعراق ابوي كان يا دوب يجيب مروف البيت وقتها ع شان هو عامل ومش كل يوم كان يلاقي يشتغل ع شان الانتفاضه والتسكيرات وغير هيك انه كان وقتها هو امي كتير ع خلافات حتى اثرت علينا وكانو كل ما يتمشكلو نتنكد ونقضيها عياط ويمكن لهيك كنا كل ما يجينا عريس نرفض تعقدنا من مشاكلهم وتخيلنا انه الكل هيك وضعه بعد الزواج وكانت امها معها الحق بكتير شغلات وهو احيانا يكون معه حق واحنا صرنا نحتار مع مين نوقف لحد ما اجى اليوم اللي ابوي طلع وترك البيت تركنا لحالنا كان اخوي الكبير متخرج وبشتغل واختي الكبيره متزوجه وانا متخرجه وبدور ع شغل واختي الاكبر مني بتشتغل واخوي الاصغر مني بشتغل وضل تنين بدرسو بنت وولد طبعا خواتي درسوني ودرسو اخوي الكبير واخوي الكبير بس تخرج درس اخوي الاصغر مني وانا لقيت شغل في مدينة تانيه وسكنت في سكن داخلي واخدت اختي الصغيره ودرتها عندي ع حسابي واخوي الصغير درسه اخوي يعني ساعدنا بعض لحالنا والكل بحمد فينا وبشهدلنا ارجع الي طبعا بعد ماتوظفت ضله يتقدملي عرسان وكل مره كنت اتحجج باشي لحد ما اجى شاب من نفس المدينه اللي بشتغل فيها وصار عمري 24 سنه اخوي حكالي انه خلص صار وفتها لايمته بدك اتضلي ترفضي حكيتله ماشي الشاب طبعا هو زوجي بنفس عمري عامل حكى انه معه توجيهي ومعه هويه ووضعه المادي منيح صدقني دكتور مش طمعت بس في اكتر من سبب خلاني اوافق اولها ع شان ما اترك شغلي لانه اخوي لما وافق ع شغلي حكى مش ع طول كوني في مدينه تانيه ساكنه وبروح ع البيت كل اسبوع او اسبوعين وغير هيك انه خلص بكفي صار عمري 24 سنه وحياتي العاطفيه فاااارغه جدا لاني عمري ما حبيت ولا تعرفت ع شاب يعني خااام بالعربي مع اني اكتر من مره انعرض عليي وكنت ارفض وابن خالتي كان يحبني وصارت مشاكل لما تفدملي ورفضته وابن جيرانا عمل المستحيل لاوافق عليه وما رضيت مش لاشي بس لانه ما في مشاعر بيني وبينهم وكنت حابه اوخد واحد بعيد عني المهم شوفته وشافني وشوفت اهله وصليت استخاره ووافقت وخطبنا من حكيه ووعوده حسيت الدنيا واخيرا رح تبتسملي وتعوضني بس مر اسبوعين ع الخطبه انحبس تلات شهور مخالفة سير طلع قعد شهر رجع انحبس 10 شهور وطلع رجع انحبس 5 شهور وبعدها 4 شهور والحبسات الاخيره ما كنت اعرف الا باخرهن كان الكل يكذب عليي انه بالشغل ومش قادر يروح لانه هو بغيب بالشهر يروح من شغله لحد ما اكتشفت انه كان محبوس الكل نصحني اتركه واني بستاهل حدا احسن ما رديت ع حدا تمسكت فيه ووقفت حده واكتشفت انه ما معه توجيهي بالصدفه وانه وضعه المادي مش منيح وانه كتير من اللي حكالي اياه كذب ومع هيك كملت وطلع وتزوجنا كان يوم عرسنا زي الحلم علاقتنا كانت حب ع شفقه ع رد جميل اكتر من شعور مع بعض بعد ما تزوجنا حياتنا صارت اول باول نسد بديون العرس والاقساط للاثاث مع بعض انا بشتغل وهو بشتغل لحد ما حكالي شغلي بالبلد ما بكفي نسد الديون خليني اروح اشتغل باسرائيل وافقت ع شرط سنه وخلص حملت وولدت ولسه عمر بنتي 12 يوم وكنا لسى 11 شهور متزوجين انحبس عند اليهود 10 شهور صرت عروس معها بنت غريبه وحيده بلا سند او ظهر تحتمي فيه دخلي راتبي وبس اهلي بعاد عني بدهم ياعتين ليوصلوني امه وخواته كانو مناح معي وكنت احط بنتي عنهدم وانا في شغلي بس اخوه ومرته كتير دايقوني وغلطو عليي وجرخوني وما لقيته حدي ليوقفهم عند حدهم اكتشفت انه اخوه اله علينا دين وصارو يسمعوني حكي بدنا دينا واخته الها عليه واسمع من هون وهون ويلي همي وويلي هم الدين والبنت والغربه والوحده وكل شي عليي عملت جمعيات لاسد الديون طلع من السجن واشتغل سنه رجع انحبس 5 شهور رجعت تعرضت لنفس الظروف ويمكن اكتر طبعا خلال هاي المده من زواجنا نت اثق فيه ثقه عمياء واحبه حب مش طبيعي وكنت احسه انه بحبني ع انه مش ناكر اللي عملته ع شانه وقيش وقفت معه بس طلع ما كمل الشهر حكالي هيك ما بزبط لازم ارجع اشتغل في اسرائيل لنسد دين اخوتي ونرتاح من حكيهم ورح اعوضك ومن هالحكي وافقت ع شرط مش اكتر من سنه وعدت السنه وسدينا الدين وبلشنا نحوش لبنى البيت وراح هم الدين اللي كنت احس انه بالحلم رح ينتهي واجى هم جديد هم ما عمري تخيلت رح اتعرضله هم الشك والخيانه والغدر والاستغفال صرت اشك فيه وفي تلفوناته وامسكه اكتر من مره ينزل التلفون من ايده بدون ما يحكي للي ع الخط سلام او بنحكي بعدين وانا مش غبيه لافهم انه فيه اشي بالموضوع كانت يكذبني كل مره ويطلعني غلطانه وتنتهي المشكله بانه يزعل لعدم ثقتي فيه ويحمل اغراضه زيقاطعني بالاسبوع ويروح ع شغله طبعا هو بغيب بالاسبوع او الاسبوعين هناك وبيجي الخميس بالليل وبروح السبت بالليل صار يتجدد الشعور من فتره للتانيه وينتهي بنفس الطريقه لحد اخر مره ب 27/2/2016 ما بنسى هاليوم بحياتي اجاه اكتار من اتصال وانا معه ولما اقرب عليه لاسمع شو يشيل السماعه عن ذانه ويعصب عليي بس طلعنا من المطعم سالته شو بصير انا ما رح اضلني هيك احكي شو بصير حكالي اه انا بحياتي وحده وبدي اتزوجها تخيل دكتور بعد كل هااااااااااااد بكل بساطه بكتشف هالحقيقه المره طبعا انا مش انا صرت عيطت بصوت عاااالي وغلطت وسبيت ودعيت ما بتتخيل شو صارلي روحنا ع البيت وحكيت لامه حكتلي انتي صدقتيه مع اني طول السبع سنين ونص من الخطبه للزواج لهداك التاريخ كنت اعتبرها امي ولادها ما كانو يعاملوها زي ما كنت اعاملها وكانت تحبني وتميزني عن كنانينها لهيك كانو يغارو مني بس ما لقيتها حدي لما تركني انا والولاد لحالي وراح نام عندها وكان يحكي مع اللي رح يتزوجها صرت ادعي عليه صارت تردلي الدعوه ما لقيت حدا يطبطب عليي الا ولادي بنتي ام الاربع سنين وابني سنه وشهرين حكتلي بنتي ماما بدكيش اياه انا حدك وما تعيطي هلا بتصيري مش حلوه وصارت تدهنلي برجلي من الزعل بطلت احس فيهم الله بعلم كيف مرت عليي هديك الليله طبعا وانا احكي معه لما اعترف كان اخوي يسمع ع الخط وحكى معه وهداني وحكى الصبح باجي بوخدك والصبح حملت غراضي وولادي ورح ع اهلي وطلبت الطلاق واجى ع الاسبوع بحكي بكل وقاحه انه بده يتزوج وبده اياني ومتمسك فيي طبعا مريت بحاله نفسيه الله بعلم فيها وصرت كل يوم اجى من عند اهلي ع شغلي ساعتين رايح وساعتين جاي من كتر ما اشد ع حالي صارت ايدي توجعني وصرت اوخد دوا اعصاب حكولي عندي الاعصاب مشدوده وماخد امه ورايحه شايفتها قال غصب عنها رايحه ورايح وهو وصاحبه طالبين وتاني يوم حاكينلهم موافقين بعدها بيوم هو مرض وقعد في البيت وحكى مع خاله اللي هو الواسطه بين اخوي وبينه وحكاله مشان الله ساعدني انا بدي ارجع لمرتي انا كاني كاين مخدر ومش عارف شو عملت وحاكي لاهل البنت انه بطل وبده يرجع لمرته حاكينله بنحترم رايك والله يوفقك ع حكيه طبعا انا ما بصدقه من كتر كذبه وصارو يحكو بموضوع الرجعه واجى بده يرجعني ما رضيتش حكيتلهم كيف بدي انسى اللي صار وين كان يخدع فيي بكل مكان وبكل زاويه بتذكر طلبت يستاجرلي لبين ما ينبي ما رضي ما بده حتى يحكي بالموضوع بده يسكر ع كل شي ونبلش من جديد كانه كل شي بكبسه انا انسانه من مشاعر ما بنسى كيف كان يستغفلني ويحكي مع هاي وهاي كنت كل ما اشك فيه ادعي لربنا في الصلاه ان يكشفه لانه يتعبت من هالشعور ارجع احكي يا رب اطلع غلطانه بديش اخسره واشرد ولادي المهم اهلي اقنعوني وحكولي اعطيه اخر فرصه جربي اذا قدرتي بتكملي ما قدرتيش كل واحد بروح بحاله رجعت ع البيت ب 10/4/2016 ومن وقتها وانا بمووووت بكل لحظه ما بروح عن بالي الموضوع مكسسسسسسسسسسوره من جوه جرخني وكسرني لا بقعد ما حدا ولا بشوف حدا بروح ع الشغل وبروح ع البيت لا هون ولا هون بروح بنتي في الروضه وابني عند اخته بالايجار لانها امه مع كل اللي عمله ابنها فيي ما رضيت ترجع تحط ابني عندها ومن لما رجعت قطعت علاقتي فيها مرحبا مرحبا لا بروح عندها ولا بتيجي عندي مع انه قبال بعض شققنا والنا نفس المدخل بروح بسكر عليي شفتي ما بشوفها باليومين والتلات بس نتيجة التجربه المره اني صرت وحده شكاكه ما بثق بكل الناس واولهم هو مره بكون منيحه ومرررررررات كتيره نار بتولع فيي وفش حدا اشكيله همي بحكي ما بدي اوجع راس اهلي مش ناقصهم اهله من رح يحسو فيي بضلو يحكولي بكرخ بتنسي بصلي وبقرأ قران ولما أأزم ما بقدر حتى ادعي بحكي مرات بدي اتصل ع اخوي واحكيله خلص مش قادره اتحمل خلينا ننفصل مرات بحكي خليه يعمل اللي بده اياه هو اصلا طلع من قلبي ومرات بحكي لاء من حقي افهم الي صار ليه هيك صار وايمته صار ومن ايمته بعرف عليي وكيف فتحت معه الموضوع تلات مرات وكل مره تنتهي انه يسكر الخط ويزعل وما يحكي شي يحكيلي خليه بوساوسك وشكوكك اللي رح اتدمرك واخر مره امبارح جيت لقيته بحضر في فيديو بعتله اياه اخوه معه وحده بتحكي حكيتله مين هاي حكى بعرفهاش هاي اخوي بعرفها طب ليه باعتلك الفيديو قال انا شو بعرفني وانكر وصار يحكي واني ليه هيك فايته كانك بتتجسسي ما بتثقي وبلشت فيه حكيتله كتير اشيا جواي لبس وطلع وخلاني اعيط ومتداااااايقه ومخنوووووقه وروح ع 12.30 بالليل وما اجى راضاني ولا شي حضر فيلم وراح نام ولا حتى صحاني لانام عنده لاني كنت نايمه عندي بنتي ف شو اعمل يا دكتور والله تعبت شو بتنصحني رح انجننننن اتركه والا اضل معه ؟؟؟؟؟؟؟