أنا عندى 23 سنه و مخطوبة بقالى سنه خطيبى كويس...

أنا عندى 23 سنه و مخطوبة بقالى سنه خطيبى كويس ومحترم وبيحافظ على الأسرار وبيحترم رغبتى وزعلى عنده مهم وع طول عايز رضايا أنا دايما حاسه انى عايزه اسيبه مش مرتاحه مش حاسه انى عايزه أكمل معاه ودايما ببقى عايزه افشكل الخطوبه وكل مره بقلع فيها الدبله هو بيعمل اى حاجه عشان يصالحنى ومهما قولتله مش بيقول لحد على حاجه هو كان بيشرب سجاير وبطلها عشانى بس أنا خايفه يرجع يشربها تانى بعد الجواز وأهله مستواهم ااقل من مستوانا بس ناس محترمه وكويسين هو شكله مش أحسن حاجه يعنى أنا اتخن منه وابيض منه هو دكتور ومستواه المادى كويس جدا بس أنا دايما حاسه انى مش مرتاحه بصلى استخاره بقالى شهرين وكل حاجه هى هى مفيش اى حاجه جديده حاسه انى متوتره وخايفه ومتردده أهلى مش غصبين عليا حاجه بس هما بيقولولى إنه مش هلاقى زيه وإنه فعلا بيحبنى أنا قلعت الدبله وقولتله مش هكمل بعدها كلم ماما وقالها اى يرضيها وأنا اعمله أنا مش عارفه أعمل اى أنا مخطوبه بقالى سنه وخطيبى كويس وبيحبنى وبيعاملنى كويس جدا وبابا وماما موافقين عليه جدا هو بصرآحه كويس من كذا جانب بس أنا مش حاسه زى باقى البنات يعنى مش حاسه انى بطير من الفرحه لما اشوفه ومش حاسه انو بيوحشني دايما حاسه إنها جوازه والسلام مع إنه كويس جدا وبيحبنى جدا وبيعاملنى كويس جدا بس أنا إلى مش حاسه حاجه فاهمه قصدى ؟ أنا عمرى م كان ليا تجارب قبل كده ولا حتى عمرى كلمت ولد قبل م اتخطب أنا فكرت كذا مره انى اسيبه وكل م اقلع الدبله واعمل مشكله الاقيه عايز يشلنى من ع الارض ويعملى كل أللى يرضينى لدرجة إنه كلم مامتى مره وقالها اى يرضيها واعملهلها بصى أنا حاسه انى ظلماه انى مس حاسه نفس إحساسه وانى دايما عايزه اسيبه بس نفس الوقت بقول هو كويس وبيحبنى واهلى موافقين عليه ف يبقى كويس وكمان ماما بتقولى الحب بيجى بعد الجواز أنا مش عارفه أعمل اى ومش عايزه أظلم حد معايا