السلام عليكم أنا حلمت إني كنت رايحة زيارة لاسرة...

السلام عليكم أنا حلمت إني كنت رايحة زيارة لاسرة زوج خالتي انا وعيلتي و واحنا نازلين من الييت لاقيت ترابيزة قدام البيت من الجانب التاني و عليها اطباق مكرونة و وحلة كبيرة فيها مكرونة المفروض بتاعتنا وهناخدها في العربية واحنا ماشيين المهم طبقين المكرونة اخدت واحد أكلة و انا واقفة وحد تاني اخد واحد وباكله قبل ما اركب العربية ، لاقيت الجيران جانبنا حد منهم رمى حاجة غريبة على الأرض (في الحقيقة البيت دا كله ايجار وناس مش كويسة فيه) سيبت الطبق وفضلت ازعق معاهم وانه ازاي كدا و مفيش دم ولا ادب وفضلت ازعق اوي معاهم و واحدة جارتنا قالتلي عندك حق فجأة حد راجل وعيل نزلوا عشان يتخانقوا ويضربوا ف ضربتهم ولوليت دراع حد منهم وقدرت عليهم والشارع كله فضل يدعي لي ، بعدها ركبنا و روحنا بيت اهل زوج خالتي وقعدنا بعد ما قعدنا بشوية كان قدامنا حلويات واكل ماشاءالله كتير وحلو ، حد جه قال إن كذا ولدت وجابت بنت وشايلها بس بيقول انها ماتت وماسكها في ايده ، كانت بنت جميلة بيضة وملامحها أمورة وضحكتها بريئة و قمر اللهم بارك ، لاقيته بيقولي شيليها اخدتها وهما فضلوا يقولوا ماتت و ابوها مكنش باين عليه أي زعل او حاجه بسال حد قالي اصل اول مرة يخلف ف مش حاسس ولا فاهم يعني إيه بنتي وماتت وهى مولودة بعدها بشوية حد قال انها مولودة بقالها اسبوعين مثلا وماتت وهما جايين ، البنت كانت لابسة لبس حلو ونضيفة مفيش دم او حاجه يدل انها لسة مولودة حالا في الاوضة ، كل دا وانا شايلاها ، فجأة حسيت قلبي وجعني عليها وإني زعلانة أوي عليها ومتاثرة بيها كأنها تهمني اوي ، لاقيتهم بيقولوا انها لازم تدفن والإجراءات وكل دا قولت له لا استنوا حرام عليكم دي عايشة مماتتش حرام عليكم ، البنت فجأة ضحكت لي وفتحت عينها وفضلت تلاعبني زي الاطفال البيبي اللي لسة مولودين وتلاعبني بلمس جسمها يمكن بيتهيئ لي لاقيتها مش ساقعة حيمها دافي فضلت اعمل ايدي عليه ادعكه براحة لحد ما كله بقى دافي وفيه الروح كدا والدم بيجري فيه ، فضلت اقولهم دي عايشة عايشة فرحوا و ابوها كان متفاحئ وعادي كدا مش مصدق بس عادي احساسه، اخدتها في حضني وقولت لهم لازم تروح مستشفى بسرعة قالولي ماشي ، فجأة لاقيت زوج خالتي بيقولي استني لما خالتك تيجي قولت له بسرعة قالي استني اخدتها ونزلت بسرعة لاقيت واحد اعرفه و جانبه واحد جارنا مش بحبه ولا بحب اشوفه شخصية وحشة جدا قولت لهم اوعا انزاح ولا انزل البنت بتموت بسرعة فجأة العربية عطلت وهى فتحت عينها وبصتلي وبتلاعبني تاني بس كأنها تعبانة طبطبت عليها وحاولت اعمل جسمها تاني لحد ما نروح المستشفى فجأة خالتي جت بس بعد ماعدى وقت كتير أوي ولاقيت البنت سكتت خالص مش بتلاعبني حضنتها و نديت على حد ياخدها لحد ما اشوف حل والحقها لاقيته بيقول دي ماتت يا جماعة كدا كدا كانت ميتة ابوها القال كدا ، اخدتها منه ولاقيت جسمها كأن حد ميت فضلت اعمل فيه مبقاش دافي و مش بتضحك ليا و بدأ يبان علامات الوفاة والجسم لونه يتغير فضلت احضنها واعيط جامد عيط جامد اوي عليها وكتير قلبي كأنه بيعيط عليها ، بعدها مشيت وخالتي قبل ما امشي فضلت تقول انا نسيت اجيب لمامتك كحك احمر زي اللي جبته ليا ونسيت حاجه كمان اجيبها ، وشكلها مكنش انها نست كأنه قاصده و جوزها قولت له حرام عليك كنا نزلنا ومستنناش سكت بعدين قالي متأخرتش كتير يعني لكل دا ، فضلت اعيط ومش متخيلة بعد كل دا ومحاولاتي اني الحقها بعد ما كانت هتدفن غلط اول مرة اني بردو معرفتش الحقها ، لحد ما الصبح جه لاقيت نفسي في المدرسة بتاعتي وانا صغيرة كان شكلها مختلف عن كل مرة ومنظمة قابلت طنط اللي بتنضف في المدرسة وعمو وطنط تانية بيقولوا ليا فينك مختفية ليه من كتير قولت لهم ظروف غصب عني بنت خالي اتوفت ، وخالي اتوفى او خال مامتي و كل شهرين حالة وفاة وظروف الحمدلله على كل حال وفضلت اعيط وافتكرتك البنت الصغيرة اللي في اللفة اللي اتوفت وصحيت وانا عيني مدمعة وقلبي واجعني عليها دا تفسيره ايه لو سمحت