السلام عليكم ورحمه الله وبركاته انا كنت جاي زياره...

السلام عليكم ورحمه الله وبركاته انا كنت جاي زياره وحبيت اني اشتغل في الامارات فلقيت واحد مصري صاحب مؤسسه قال لي بتشتغل معايا بس الاقامه عليك والسكن والاكل والشرب على حسابي قلت له امين قال لي بس مش هتنزل شغل الا لما اعدل لك وضعك بعد كده لاجراءات غابت معاه كثير قال لي انت عليك غرامه عشره ايام دفعت له فلوسها طبعا دي بعد فلوس الاقامه طلع لي عقد العمل وبطاقه العمل وتصريح العمل واذن دخول لتعديل الوضع طبعا ده اخذ معاه من خمس شهور لست شهور وهو يقول لي السيستم ومش عارف ايه وايه لحد ما جاء قال لي لازم نعمله استرحام عشان المبلغ كثير وبالفعل رحت دفعت له 400 درهم حق الاسترحام بعدها ب 13 يوم جالي لقيته باعث لي رساله ان تم الموافقه على الاسترحام ب 2000 درهم بعد التخفيض وبالفعل رحت اديته ال 2000 درهم ومن بعدها ما شفتوش وميعاد الاسترحام كم شهر ان انا ادفع فيه الغرامه والميعاد عدى بقى له اربع ايام رحت تساهيل استعلم لقيت الغرامه علي زي ما هي وهو ما دفعش فلوس للاسترحام طبعا كل الاوراق وكل الوصلات اللي كان دافع بها كان محولها لي ومحول لي برضك اخذ مني فلوس قبل كده بتاعت الاقامه وفلوس الغرامه ودلوقتي مش بيرد علي ولا عارف اوصل له وعايز اقدم شكوى في المحكمه فاعمل ايه ولا ايه المطلوب مني اعمله عشان ارجع حقي