حلم حلمته عنه شخص احبه(في رمضان العشر الاواخر)كان...

حلم حلمته عنه شخص احبه(في رمضان العشر الاواخر)كان احمد واقف ع طرف الشارع في اليل ينتظرون ربيعهم الثالث ب سيارته و ربيعه الي يسوق و هو قاعد جنب السايق انا شفت السياره ركبت ورا ما انتبهو و حركو على اساس انه ربيعهم كانوا يسولفون و يضحكون بعدها هو لف ورا بيسولف ويا ربيعهم الثالث جافني انا و كان ظلام و شغل الفلاش و حطه عليا يتأكد اول ما جافني جان يتنرفز و قال حق ربيعه وقف وقف ع طرف و قعد يصارخ عليا جان ايي قريب منه امسك ايده و هو يحاول يبتعد عني قلت له الله يخليك احمد حبنييي كنت اصييييححح ميته من الصياااححح و كنت احس بألمممم ف قلبي اقول احمد حبني حبنييي الله يخليك و هو يقولي خلاص مريم الله يخليج خلاصص وقف ربيعه على طرف الشارع و هو نزل ،طبعاً انا نزلت وراه قالي لي خلاص مريم افهمي ياخييي الله يخليججج خلاص ما اقدررر قلت له انزين احمد، المهم انه نزلني و رجع يركب السياره ولا حتى لف ورا بس قال تحملي على عمرج و مشى خلاني ف نص الشارع طبعا انا قعدت اصيح و امسح دموعي وكملت امشي بعدها يو ثنين ف سياره صغيره قالو تعالي تبين نوصلج ما لفيت عليهم ما لفيت صوبهم ولا شي و تجاهلتهم و بعدها جفت ليت سياره قوي ياي من وراي جان ابدا امشي سريع احاول اتجاهلهه نزل منه احمد و حضني و قال لي ليش جي تسوين ليش، و بعدها الشباب الاثنين تنرفزوا انه كيف ها جي فجأه يدرعم و يقوم يحضني و انه انا ما سويتلهم سالفه جان احمد يفصل عليهم و بعدها قال لي اركبي برجعج بيتكم ركبت انا ورا وهو رجع يركب جدام عند ربيعه قلت له انزين عفان الله تعال اركب ورا عندي مخلني بروحي و تجاهلني ، و فجأه رجعت نفس موقف السياره مره ثانيه سياره الشباب و يوم يت الاضاءه بديت اركض و قالو الاثنين هاي بلاها قامت تركض شو مستوي بعدها رحت تحت نفق و اسمع صوت طلقات و بعد ما وقف الصوت احمد دخل صوب النفق جان احصل ذهب سوارتين ذهب فضي و ذهبي شليتهم بس كنت فالحلم اعرف انه هو ماخذنهم حقي يبا يهديني و لفيت عليه اطالعه و قلت له اشلهم جان يطالعني بحزن انه جنه انا خربت عليه المفاجأة قال هي شليهم و كان يطالعني بأنكسااار يلومني، فجأه استوا في مكان نقدر ندخله يودينا الميلس و قعد هو على الكرسي متضايج وانا قعدت تحت على الارض رافعه ريولي و ماسكه ايده و قعدت اقوله احمد اسفه الله يخليك ارجع ما اقدر اكمل انا بدونك وعدتني و خلص الحلم