السلام عليكم حاسة اني بحسد واحدة صاحبتي مع العلم...

السلام عليكم حاسة اني بحسد واحدة صاحبتي مع العلم اني دايما بدعي ربنا يطهر قلبي من الحقد والحسد والغيرة وبدعي بدعاء النبي (اللهم اهدي قلبي واسلل سخيمة صدري)، بحس اني طول ما انا مش عارفة عنها شيء بكون مرتاحة ونقطة الغيرة او الحسد دي مش بتيجي ف بالي بس لما بعرف شيء عنها خصوصا اشياء بينها وبين خطيبها بحس اني مش مرتاحة وبجتهد جدااا اني معرفش عنها شيء ومش بتدخل ف خصوصياتها على العكس لما بتيجي تحكي معايا شيء مش بستفسر ابدا عشان مسيبش للشيطان مكان انه يوسوس ليا ويخليني احسدها او أغير منها .. بحاول ابعد عنها بالحسنى وبهدوء ومفكرش ف اي أمر يخصها بس بلاقي الاحساس دا رجع ليا انا خايفة اكون حاسدة ومش عوزاها تتأذى بحسدي ليها وفي نفس الوقت بلاقي راحتي ف بُعدها عني واني معرفش اخبارها وبلاقي إن دا أسلم لقلبي وروحي مع العلم اننا صحاب من حوالي 6 سنين الامر دا ارهقني وارهق تفكيري اوي وفي نفس الوقت انا مبقتش عارفة هل هي بتحكي الحاجات اللي بينهم لغرض معين ولا بحسن نية مع العلم اني مش مخطوبة وهي اكبر مني فالمفروض محسش بأي حاجة عاوزة ابعد بس بدون كسر لخاطرها ... او اتصرف ازاي بطريقة غير البعد بحيث اني معرفش اخبار عنها توصّلني لإني أغير منها او احسدها؟