إسأل الآن

12345 12345

12345 12345

الأسئلة المجابة 2099 | نسبة الرضا 97.5%

استشارات الحب و الزواج

انا من فترة تسع شهور اتعرفت على شاب على الفيس بوك...

تم تقييم هذه الإجابة:
انا من فترة تسع شهور اتعرفت على شاب على الفيس بوك انا من اسكندرية وهو من القاهرة بس مسافر فى الخارج اتعرفت عليه كأننا اصدقاء وقاعدنا فترة شهر كدا بنتكلم اصدقاء وارتحنا لبعض اوى واتعلقنا ببعض كنا كل يوم بنتكلم مع بعض على الفيس بوك وانا شوفت صورته وهو شاف صورتى وكلمنى فى التليفون كذا مرة واتعلقنا ببعض لدرجة اننا حبينا بعض اوى واتعلقنا ببعض اوى كان يعتبر هو اهلى كان حاسس ظروفى اوى وكان بيخاف عليا اوى اوى كنت بحس انى بنته مش انسانة بيحبها كان كل يوم يكلمنى فى التليفون بس عمره مطلب منى شىء قليل الادب زى ماحنا عارفين عن الشباب اللى على النت ديه وكانت طبيعة مكلمته ليا كل يوم انه يبدء يسألنى عن اهلى كلهم وعنى شغلى وعملته ازاى وتميته ازاى واى اللى حصل فى حاجة ضيقتنى ويبتدى يحل معايا المشاكل لو فى اى مشكلة كان متناقش جدا معايا وكانت طبعا بدأنا نحلم ببيتنا واتفاقنا انا اتعرفت عليه فى شهر عشرة واتفاقنا انه هينزل اجازتة فى شهر ستة هيتقدملى ونتجوز ويخدنى معاه وبدأنا كل يوم تعلقنا ببعض يزيد ويزيد وهو كان صريح معايا جدا وقالى انا كنت اعرف بنات كتير جدا والفيس بتاعى دا مليان بنات ياما وانا كانت حياتى سهر هو كان فى قطر بس لما حبيتك حبيت انى اتغير علشانك وفعلا انا كنت باخد بالى من انى مفيش فى حياته غير شغله وانا مكنش بيسهر برا لأنه بيكلمنى مثلا من الساعة تسعة بليل لحد الفجر او بعد الفجر كمان وبعد كدا ينام ساعة ولا ساعتين ويفتح تانى يكلمنى ويروح الشغل ولما يجى من الشغل كان يفتح يكلمنى ويقولى انا هنام شوية كان طول اليوم معايا ولما طلبت منه انه يمسح البنات ديه قالى خدى الباسورد والايميل وامسحيهم كلهم وانا فعلا اخدته لكن ممسحتش حد ورجعتهوله تانى وقولتله كفاية ثقتى فيك وكان بيكلمنى ديما فى التليفون او على السكايبى وجاه شهر اتنين سافر من قطر للفرع التانى بتاع الشركة فى السعودية وبدأت مكلماته شوية بتقل مبقاش معايا طول اليوم لأنى طبيعة الشغل فى السعودية غير فى قطر بس لما كان بيرجع بليل كان يستنانى لما ارجع من شغلى الساعة عشرة كدا وكنت بكلمه على الساعة 12 بليل كدا ويقعد معايا ساعتين على السكايبى لدرجة انه كان اوقات كتير بينام وهو بيكلمنى وفجأة حصلت حاجة غريبة اوى فى شهر اربعة اختفى عشر ايام من غير معرف حاجة عنه التليفون ديما بتصل عليه محدش بيرد ولا الفيس بيتفتح ولا السكايبى ولا عارفه اوصله بدأت أحزن وتعبت بس كان من جوايا امل انه هيرجع يكلمنى تانى قولت لو هو عايز يبعد عنى مكان ممكن عملى بلوك من على الفيس وكان حط رقمى على القايمة السودا واحمد طبعته جرىء هو شغلته محاسب فأنا لما كنت افضل ارن مرتين مثلا ورا بعض كان يحطنى على المشغول لأنه مكنش بيعرف يركز وهو مش بيحب الازعاج فأنا كنت بفضل ارن يجى مية مرة فى اليوم مفيش نهائى اى حاجة بس بدأت اكتب رسايل على الفيس مستفذه بقيت اقوله انا كرهتك انا مش عايزة اعرفك تانى محدش بيحب انسان ويسيبه كدا يقلق القلق دا كله دا لو واحد مش طايقة ومش عايزة هترد عليه وفى يوم فوجئت انه فتح وقراه الرسايل وكلمته قالى نعم يايمنى قولته انتى بتعمل معايا كدا ليه قالى رسالتك وصلت قولتله يعنى ايه انا عايزة افهم انت عملت معايا كدا ليه قالى متزعليش منى بعدين هتعرفى وخلاص يايمنى رسالتك وصلت قولته انت عايز تبعد عنى قالى لأ انا مقدرش ابعد عنك انا هفضل جنبك بس اصحاب وانا عارف انك مش هترفضى انى اكون جنبك قولته انت فى حد تانى فى حياتك قالى انا مش خاين يايمنى قولته مبقتش بتحبنى قالى خلاص يايمنى قولتله جاوبنى قالى بحبك بس مش هينفع نكمل مع بعض وقالى انا هقوم انام وهبقى اكلمك بعدين وقفل بعدها فتح ابن عمه وقولتله اللى حصل قالى يايمنى احمد لسة طالع من المستشفى النهاردة احمد عامل حادثة كبيرة والحوض عنده مكسور برجليه اليمين ومرداش يقولك وكان هيتجن عشان يكلمك واول مصحى كان ملهوف انه يطمن عليكى وطبعا انا من كتر حبى فيه زعلت انى زعلته برسايلى بس دا كان غصب عنى المهم عرفت انه عايز يبعد عنى لأنى علاجه هيطول ومش هيقدر يوفى بوعده معايا انه ينزل شهر ستة عشان يخطبنى وقولت لأسلام ابن عمه خلاص كأنى معرفش موضوع تعبه دا وهقوله انى عارفه انك عايز تبعد عنى عشان انت مشغول فى الشغل ومش هتقدر تنزل السنادى زى موعتنى وفعلا لما فتح قولته كدا قالى يايمنى انا هظلمك معايا حرام اسيبك كل دا قولته ملكش فيه انت اهم عندى وانا هستنماك لو لعشر سنين هو الارتباط عندك دبلة قالى لأ اخر كل قصة حب ارتباط وجواز قولتله واحنا الظروف معطالنا وفين وفين لما اقنعته بدا وسكت وبدأ يكلمنى يوم ويوم كل يومين كدا وكان بيخلى ابن عمه يكلمنى كل يوم ويسهر معايا عشان مشكش انه بيبعد وفضلنا كدا بس كانت بتيجى عليه اوقات برضو لما اسلام ابن عمه يقوله يمنى شكلها زعلانة انك مش بتكلمها يدخل يكلمنى ويتعصب ويقولى انتى بتزعلى ليه انا قولتلك انا مش عايز اتعبك معايا وانتى قولتلى ملكش دعوة بتزعلى ليه ويرجع بعد كدا يصلحنى بس هو لحد الان موجود فى حياتى وبحبه اوى بس بدأت احس كل مالوقت بيعدى وهو تعبان ويفتكر تعبه دا تحسى انه يأس من الدنيا كدا يكلمنى عادى ونضحك عادى وفجأة يقول كلمة تعكننى وفضالنا على كدا لحد الان كل اللى حواليا تضدى بيقولولى انتى بتحبى انسان مش معاكى سيبك منه وابعدى وشوفى حالك بس والله اللى انا حسيته مع احمد عمر مافى انسان موجود جنبى حسيته معاه هو عوضنى عن اهلى وعن كل الدنيا وانا مبقتش عارفه اعمل ايه تعبت وحتى هو مبقتش عارفه اتصرف مع مرضه دا ازاى والكلام اللى بيضايقنى دا ومع انه بيرجع يصالحنى بس انا نفسى اتأكد انه عمره مهيسبنى ونفسى فى نفس الوقت اطمنه انى مش هبعد عنه ومش فارق معايا موضوع تعبه دا خالص وانى هستناه مش عارفه اتصرف خالصاتمنى انكم تلقولى حل

إطرح سؤالك

إجابة الخبير: 12345 12345

12345 12345

12345 12345

الأسئلة المجابة 2259 | نسبة الرضا 97.6%

صديقتى
لديكى مشاعر نبيلة و لكن الاهم ان تكون فى محلها
سأسألك سؤال واحد هل تأكدتى من مرضه بالفعل ؟
هل هو مريض ام يدعى - اسف لما اقوله و لكنه ظن - المرض ؟
هل يعقل ان إنسان بالغربة و يجد من يقف معه و يرفض ؟ اعتقد لا
أختى العزيزة يجب ان تعرفى ما نهاية ما يحدث و الاهم ما هو موضوع ابن عمه هذا
العلاقة بين اثنين يا صغيرتى و ليس ثلاثة لا للوسطاء فى الحب
تأكدى من مشاعره ان لم اقل لكى اتركيه و لكن تأكدى فقط من انك انتى فقط بحياته و ابتعدى عن الوسيط - ابن عمه - و تحدثى معه و مع اهله اللذين لم تكتبى عنهم حرفا
بانتظار رسالتك القادمة لاعرف بماذا تخطيطين يا عزيزتى

إسأل

12345 12345

12345 12345

الأسئلة المجابة 1180 | نسبة الرضا 97.5%

  • 100% ضمان الرضا
  • انضم الى 8 مليون من العملاء الراضين
المحادثات تتم ضمن هذه البنود

في الأخبار