حلمت كان فيه اجتماع او حفل في المدرسة .. وكان زحمة...

حلمت كان فيه اجتماع او حفل في المدرسة .. وكان زحمة المهم كنت احمل منديل متسخ او فنجان ورق فاضي نسيت بالضبط وخرجت الحوش ارميه في الزباله ورجعت على طول امي كانت حاضرة بس في مكان آخر بعيد وقابلتها نهاية الحفل تجلس مع الموجهه والخاله يتفرجون من بعيد وجيت نهاية الحفل اكلمها قالت روحي ياقليلة الادب شفتك خرجتي تحسبي مو دارية عنك قلتلها رحت ارمي المنديل وجيت على طول وعيب عليك انا بنتك ماتشكين فيا ومو قدام الناس ذا الكلام قالت مدري عنك خرجت واخذتيلك وقت بعدين رجعتي من القهرر اببكي ..الموجهة تطل فيينا الاثنين وقالتلي اسمعي في شي مرا حلو تبغى تغير السيره قلتلها اسكتي مو وقتك الان ودخلت جوى الغرفة واتكلم في نفسي كإني اخاطب الموجهة اجيب اغراضي وانا اقول لنفسي انا مميزة بس جد مالي حظ وخلاص بأبكي جدا جدا مقهورة من الموقف بعدين لما خرجت فجأة كل المدرسة فضيت ومافي الا ابويا وامي والحراس الاثنين وابويا يقول لامي صاحبه ابو عبدالعزيز قله انا ابكلمك بخصوص البنت بس عرفت انو ابو أكرم يبغاها والله رجال قالت امي يعني يقول يستاهل قال يقول يستاهل والف كمان المهم فجأة كل ابواب المدرسة مقفلة وامي لحقت الحارس قبلنا واعطاها المفتاح لباب من جهة ثانية الطريق اطول وانا ماشيه اقولها الباب مقفل ما اعرف انو معاها المفتاح ماردت علي كملت طريقها وانا كملت طريقي الباب كان قصير اتسلقته ونزلت من الجهة الثانية كنت افكر من فين انزل ولقيت حديدة اتمسك فيها ونزلت وامي خرجت من الباب الآخر وقفلت الباب وراها واقولها ابويا وراك المهم خرجت وامشي انا وابويا مع بعض وامي سبقتنا راحت ووصلت للمكان اللي عند الزباله وقلت ابويا لو وصلت الى هنا فيها شي؟ وحطيت خط بالعصايه في التراب قال لا .. قلتله بدون عباية اخذ العصايه ومشي كمان شوي ممكن ثلاث خطوات للامام او اكثر ووضع خط بالعصايه وقال الى هنا مافيها شي .. التفتت امي علينا قلتلها شوفي ابويا يقول الى هنا مافيها شي .. وكنت مرا اببكي مقهورة من موقف امي وابغى احكي لابويا الموقف انها احرجتني شكت فيا قدام الموجهة والخالات فجأة جاء طفلي صحاني ماكملت الحلم شعوري كنت مرا مقهورة من الموقف بس ارتحت انه حلم انا معلمة _مطلقه_عندي طفلين